馬爾大夫又有好介紹
去旅行嘆世界揀酒店，除咗考慮酒店硬件設施，我都十分注重酒店嘅服務，就好似好多朋友去日本旅遊都選擇住家庭式溫泉旅館，因為鍾意屋主服務親切細心，永遠體貼客人嘅需要，而住客又可以感受到當地文化，感覺就可以好似返到屋企一樣咁舒服～
今次介紹嘅酒店Milaidhoo Island Maldives係一間五星級豪華精品酒店，係馬爾代夫入面數一數二嘅頂級酒店，佢嘅硬件設施無得彈之外，服務亦都係一流！
酒店於2016年11月先開幕，我哋由馬累坐35分鐘水上飛機就嚟到，有D package可能唔係包坐水上飛機而係包坐15分鐘內陸機加15分鐘快艇，不過其實都冇乜所謂，無論坐乜嚟都一樣咁舒服～
到達小島後，細心嘅管家帶我哋check-in，我發現呢個真係一個小島，酒店無buggy無單車提供，而圍住全個島行一個圈只需要大概20分鐘，四周環境寧靜丶浪漫，除咗風聲就只有海浪聲，俾我＂與世無爭＂嘅感覺！管家介紹時提到，酒店只招待9歳以上嘅客人，所以呢度特別適合喜愛寧靜嘅情侶或渡蜜月嘅新婚夫婦。
隨便逛逛後，我哋就跟住管家去參觀吓D villa，首先我哋睇咗water villa~
雖然酒店唔大，但water villa面積一D都唔細，有2400呎！
一入到房間，覺得好光猛丶開揚丶舒服，房間好似有種魔力一樣，令人入咗嚟唔多想出去，而我覺得全間房最有魔力就係個大露台同埋個向海半圓大泳池！
呢個泳池面積42平方米，係馬爾代夫裡其中最大嘅一個，而且呢個弧形設計喺全馬爾代夫只得三間酒店有，Milaidhoo就係其中一間，個view真係無敵，入夜後泳池閃閃發光更添浪漫，同愛侶喺度享受二人世界，必定浪漫滿分！
除咗泳池，露台上當然都有太陽椅同池邊嘅橢圓形梳化，行入少少露台有蓋位置仲有餐枱，以及一張好大嘅韆鞦梳化，呢類梳化亦係其他酒店少有嘅！
房間內設有向海特大雙人床丶室內梳化丶mini-bar丶浴缸，同一部隱藏喺牆入面嘅LCD TV！
有D朋友嚟馬爾代夫渡假係想完全融入大自然，連電視嘅蹤影都唔想見到，酒店好明白呢一點，所以特別設計將個電視藏入牆內再用油畫遮住，想睇先拉開幅畫再拉個電視出嚟；房間內亦配置iPad，方便住客控制燈光，冷氣溫度等。
參觀完water villa，管家就即刻帶我哋去今次入住嘅beach villa。馬爾代夫嘅酒店通常water villa都比beach villa靚同貴，但Milaidhoo就比較特別，調返轉beach villa比water villa更大丶更靚！
Beach villa坐落喺幼細嘅白沙灘上，四周椰棕處處，面積有差不多3000呎，房間開揚嘅景觀絕不比water villa輸蝕，而且露台及泳池面積亦很大，同樣配置韆鞦梳化等與water villa一樣嘅設施。
Beach villa與water villa最唔同嘅地方就係個浴室, beach villa嘅大浴室分室外及室內，淋浴間喺室外，浴缸就喺室內。
而另一不同之處就係呢度屋頂上有個透光嘅天窗。
Milaidhoo喺聯合國教科文組織生物圈保護區內，四周都有璀燦嘅珊瑚礁，就咁喺water villa底已經見到好多珊瑚，如果想睇多D珊瑚同魚，當然可以問酒店借用浮潛裝備游出D啦，想準確D去到多D嘢睇嘅潛點，可以參加由潛水教練帶領嘅30分鐘免費浮潛。
除咗常見嘅珊瑚魚，我哋浮潛時仲見到有條魔鬼魚成日喺附近出現，酒店職員話呢條sting ray係Milaidhoo常客，幾乎所有嚟過嘅客人都見過佢！
Milaidhoo嘅五星PADI Dive centre有好多唔同嘅diving tour，例如由海洋生物學家帶住客人潛水去認識海洋生物，去過嘅客人都大讚tour專業，同普通潛水tour好唔同??
Milaidhoo除咗潛水活動丶各類水上活動丶出海釣魚丶追蹤海豚，居民島參觀等活動俾住客參加外，仲有免費嘅瑜珈班及靜俢課～如果你係嚟honeymoon，package更包括一次spa treatment丶一餐喺villa內嘅浪漫燭光晚餐，同一張獨一無二嘅「永恆之星證書」- 「永恆之星證書」就係證明你倆已命名一顆星星，星星嘅名會受版權保護，你亦會得到星星嘅座標資料，之後返到嚟香港都可以搵得返粒星星，仲可以話返俾下一代知有關呢粒星星同你倆嘅愛情故事，你話幾浪漫呢！
Milaidhoo對食物亦非常講究，務求令住客享受食物清新嘅真正味道；全酒店有三間餐廳及兩間bar，首先介紹一下最特別嘅Ba’theli Restaurant & Lounge，佢係全球唯一一間喺當地傳統貨船上開設嘅餐廳，為住客提供新式嘅馬爾代夫小島佳餚美食，Ba’theli船一共有三隻，客人可以上第一隻船度飲吓cocktail，之後過去設有玻璃地板嘅第二隻船上用餐，而第三隻船就係餐廳廚房。
主餐廳Ocean Restaurant就係我哋食早餐嘅地方，呢度除咗提供buffet，亦可以從a la carte menu內選餐，食物質素高，新鮮丶美味丶親切！
另一間就係位於沙灘上嘅The Shoreline Grill，呢度有鐵板燒廚師即席為你煮你鍾意嘅海鮮同上等肉類，餐廳氣氛輕鬆舒服，我哋入到嚟都唔洗拘束，見到其他人都赤腳，我哋都除鞋坐低慢慢嘆～
今次入住Milaidhoo嘅體驗令我同兩位同伴都十分難忘，難忘除咗係因為酒店硬件設施一流，當然仲有當地馬爾代夫人熱情丶親切丶細心嘅款待！如果你都好似我一樣喜愛大自然同親切嘅服務，我誠意推介Milaidhoo俾你！
快D到travelchannel.com.hk了解多D啦！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記