Encore JOALI BEING！
話說上次到訪 JOALI BEING 已經差唔多係一年多前嘅事，今次再度到訪，再次體驗一下佢哋嘅服務水準及酒店設施，確保準備入住呢間奢華渡假酒店嘅朋友有個愉快馬爾代夫假期！
馬爾代夫 Top 1-Wellnness Resort – JOALI BEING ，快來看看喔！
位於 Raa 環礁上嘅 JOALI BEING 係馬爾代夫首個以休閒養生為主題嘅渡假小島。於馬累機場準備轉乘水上飛機時，JOALI BEING 員工就安排咗一架高級房車接載我哋到酒店私人候機室，候機室有單點小食及飲品提供，整個候機過程都令我哋覺得好高級好舒適，非常期待快啲去到酒店。
40 分鐘之後，我哋就到達 JOALI BEING 啦！
因為上次嚟過，酒店內嘅設施及活動我哋大致都已經清楚（如果大家想知道了解返 JOALI BEING 嘅設施及活動，可以睇返我哋返 JOALI BEING 嘅第一個 BLOG）所以今次我哋就立即介紹住宿。
上次到訪嘅時候，我哋入住 Ocean Pool Villa，而今次入住嘅係 Grand Ocean Pool Villa。
︳ Grand Ocean Pool Villa
未到訪過嘅女同事 C 對房間十分期待，來到後佢話完全無失望，Tiffany blue 加上粉紅色嘅裝修設計，完全滿足到少女心🩵🩷
Grand Ocean Pool Villa 係一個打橫嘅長方形，長方形左右兩邊係浴室及睡眠區，中間就係客廳，設網台嘅露台就係橫跨整個長方形，面積比較大，非常適合一班朋友喺露台 gathering。Grand Ocean Pool Villa 嘅格局同 Ocean Pool Villa 完全唔同，私隱度較高。
女同事 C 非常欣賞房間配置亦都貫徹住 Well-Being 嘅養生概念，除咗有不同軟硬枕頭供客人揀選，亦提供咗男女和服睡衣及可以着住於島上四圍走嘅舒適 Island Uniform👍🏼Island Uniform 好似毛巾一樣，客人可以每日都更換，唔需要每日諗著乜衫，讓客人可以完全放低身上嘅負擔，唔使化妝造型，每日只需認真享受休閒養生假期！
房間設施有讚冇彈，而服務亦好貼心。如果你來渡蜜月，酒店會送上 sparkling tea 作 welcome drink；而每晚嘅 turndown service 亦都好貼心，管家會送上新鮮朱古力，亦會將燈光調暗，為你倆嘅安眠準備好。
去馬爾代夫，唔搵Travel Channel，你仲想搵邊個，即看超$特價！
︳ 小島有3間餐廳+1間酒吧
主餐廳 Flow 係一個開放式互動用餐空間，裏面有三個主題廚房：Plantae 專門供應素食，Su 為素食者供應海鮮，B’Well 主要供應 JOALI BEING 嘅特色餐食。
我哋於 Flow 用過早餐及晚餐，早餐係 semi buffet 形式，每款食物上都有標籤標明該食物對身體嘅好處，而單點就有班戟及窩夫等，果汁可以自取或者於餐牌上選擇。Flow 嘅餐牌會根據季節而轉變，食物種類衆多，味道和營養都一樣高質。因為餐廳嘅位置比較高，望出去嘅視野亦比較廣闊，於 Flow 整體嘅用餐體驗唔錯。
去馬爾代夫，唔搵Travel Channel，你仲想搵邊個，即看超$特價！
日落餐廳 Mojo 連接主泳池，主要供應午餐，星期二、四及週末就有晚餐，“SAI tea lounge” 亦位於 Mojo。
去馬爾代夫，唔搵Travel Channel，你仲想搵邊個，即看超$特價！
SAI tea lounge 係馬爾代夫難得一見嘅茶藝室，豐富 drink menu 上嘅茶品新奇，調茶大師亦會按客人要求，盡力調製客人喜愛嘅飲品。
Mojo 嘅每一道菜都有營養標籤，讓客人可以選擇適合自己身體嘅營養美食。
新開嘅餐廳 Ocean Sala 每逢星期一、三、五晚上都供應燒烤肉類和海鮮等美食，和牛、日本帶子、龍蝦、馬爾代夫吞拿魚… 加上健康烹調手法，真係諗起都想試！
JOALI BEING 讓客人擁有一個無負擔嘅健康假期，所有餐食嘅水準都好高，包括 raw food, superfood 及 organic food，賣相精緻味道出眾，menu 上亦有列出每款食物嘅卡路裡及營養標籤，相信 keep fit 中嘅朋友嚟 JOALI BEING 渡假都可以大飽口福。
︳活動獨一無二
JOALI BEING 除咗有 diving centre 及 water sports centre 等一般活動設施，仲有好多其他渡假酒店無嘅養生設施！
上次到訪時，我哋就做咗 spa 同埋與個人養生顧問做咗個會診，全面評估生活習慣，顧問又用專業儀器為我哋檢查身體，最後設計咗一個融合傳統和現代方法嘅個人化養生項目。
健康養生中心 Areka 有治療房，包括水療室、俄羅斯桑拿室、水中治療室、吸鹽室和土耳其浴室等，呢啲治療房嘅裝修都好靚，記得來打卡啊！
去馬爾代夫，唔搵Travel Channel，你仲想搵邊個，即看超$特價！
今次我哋再 encore Spa👍🏼欣賞 spa 內鋪上冰面墊嘅暖暖電動床，更享受技師於不同身體部位用不同精油嘅按摩手法。
除 Spa 之外，我哋都試咗於草藥中心 Aktar 進行嘅精油工作坊。草藥師會介紹各款純天然植物精油，我哋就可以每款聞吓，再揀選自己喜歡嘅味道，之後草藥師就教我哋調配精油。工作坊都幾好玩，學咗好多精油保健知識，喜歡嘅朋友可以自費參加。
健身中心 Core 係全馬爾代夫最大，外觀吸引唔洗講，設備亦非常齊全及獨特，入面更設瑜珈房及富趣味性嘅電視遊戲運動。我哋喺 Core 又做咗 fitness assessment，教練用儀器幫我哋做完評估，就向我哋每一位建議做咩運動嚟保持身體健康，都幾實用。
去馬爾代夫，唔搵Travel Channel，你仲想搵邊個，即看超$特價！
之後，我哋仲去咗健身中心內「-87’c 嘅冷凍倉」做冰凍人！冷凍倉嘅作用係以低温幫助肌肉恢復和消除炎症，資料話入去 3 分鐘可以燃燒 500 個卡路里，不妨一試🤭
另外，渡假村仲增設緊其他設施如 Teenager Club，讓更多年齡層嘅客人可以嚟享受養生假期，令島上活動更多元化。
唔講唔知，原來暑假期間 (6-9月) JOALI BEING都歡迎小朋友嚟玩架，喺島上踩架單車或三輪車四圍去，自由自在，暑假就帶埋仔女嚟啦！
第二次嚟到 JOALI BEING，感覺渡假村進步不少。之前島上只有 villa 內設有 wi-fi，但今次就全島都有；又增設咗多一間餐廳，珊瑚礁亦靚咗，海洋生物自然都多咗好多👍🏼到 JOALI BEING 享用多元化休閒養生設施，放鬆身心靈，展開健康新生活！
去馬爾代夫，唔搵Travel Channel，你仲想搵邊個，即看超$特價！
去馬爾代夫，唔搵Travel Channel，你仲想搵邊個，即看超$特價！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記