馬爾大夫又有好介紹
今次 旅遊頻道 Travel Channel 要為大家介紹一間 [史上最強] 頂級五星嘅馬爾代夫私人小島Kudadoo Maldives Private Island， 我自己去完之後都有讚冇彈，相信大家睇完之後一定會好想即刻行動。
Kudadoo Maldives Private Island 係以一流珊瑚礁及世界最大全玻璃水底餐廳見稱嘅Hurawalhi Island Resort嘅姊妹酒店，由馬累出發只需坐25分鐘水上飛機就可到達，兩間渡假酒店都係位於擁有精彩璀璨珊瑚礁及二千多種魚類嘅Lhaviyani環礁上，兩者距離只有五分鐘快艇船程，四周水域迷人，Hurawalhi更係馬爾代夫五大最佳浮潛酒店之一。
Kudadoo Maldives Private Island 係一個唔算大嘅島，全島只有15間水上屋(residence) ，其中13間 係one-bedroom，另外兩間就係two-bedroom， 同Kudadoo一樣都係只招待十五歲以上客人。
Kudadoo提供一價全包式服務 ，除咗包括餐飲、所有水上活動（包括機動性）、潛水、spa treatment sauna等等，佢仲有一個十分特別嘅賣點 – The AAA concept，Anything. Anytime. Anywhere，簡單嚟講，就係 由”客人話事”！
Kudadoo 希望客人嚟到可以享受一個真正嘅無拘無束假期，所以歡迎客人隨自己喜好自由地於任何時間及地點享用酒店各項服務，全馬爾代夫只有Kudadoo可以此宗旨提供五星超卓服務！
我雖然已經到訪過53間馬爾代夫嘅酒店，不過都係第一次享用呢種服務，感覺好尊貴，因為可以隨心所欲，想幾時去邊玩乜嘢都冇限制！私人管家會為客人安排所有活動，喺客人到達兩星期前，酒店已經開始準備為客人服務，會向客人發出服務要求表格，希望客人到達前為佢哋準備好一切活動安排，例如想喺邊度用餐，幾時去潛水、邊日做瑜珈…當客人到達後，只要跟住管家set好嘅活動時間表準時出去活動地點就可以！
酒店嘅硬件設計都好配合佢哋嘅AAA宗旨。 所有嘅酒店設施都係喺超過二萬呎嘅水上建築物”The Retreat”上，包括餐廳、酒吧、spa、泳池、紀念品商店，酒窖及cheese room。
可能你會問點解咁大間酒店得一間餐廳？ 因為客人可以選擇到任何地方用餐，所以就算得一間餐廳都唔係一個問題，以我哋所見，大部分住客都係自己residence內用餐，如果你想試下其他餐廳，絕對可以叫酒店安排快艇載你到Hurawalhi嘅餐廳度用餐 ，除非係去Hurawalhi水底餐廳，否則係可以飲食唔洗額外俾錢！
如果係早餐，除咗可以去The Retreat享用，亦可以試下去泳池度試一個floating breakfast，一邊浮住一邊享受早餐。
如果係晚餐，你可以要求食燭光晚餐（無限次數），而地點當然係由你話事，你可以試下入去灌木林裏面set張枱食個jungle dinner，又或者喺沙灘邊一邊聽海數星星一邊晚餐，真係既特別又浪漫！仲有，喺呢度食嘢係完全冇限制，你唔需要只係叫menu上嘅食物，你見到合適嘅食材、諗起有咩想食就即管開聲，廚師必定可以為你準備；至於食物質素方面，你大可放心，Kudadoo嘅食物質素係頂級，無論食材新鮮度、味道及賣相都係無可匹敵。
講完食，我點都要講下呢度嘅活動！因為所有都係免費嘅關係，相信客人喺 Kudadoo嘅假期必定會係忙得不亦樂乎！如果你鍾意做 spa，嚟到Kudadoo就可以嘆足全程，你可以到全馬爾代夫最高嘅spa room享受spa treatment，嗰度你可以俯瞰酒店所在嘅珊瑚礁，景觀非常壯麗，可以見到好多墨魚!
如果你唔想走嚟走去，不如就叫spa技師直接到你嘅residence， 咁就足不出戶都可以享舒服極致嘅服侍。如果你好鍾意做瑜伽或健身，呢度都有私人教練可以隨時協助你。
除咗呢啲一般酒店都有嘅活動，Kudadoo仲有一啲其他酒店未必提供到嘅活動免費提供俾你玩， 例如下水與鬼蝠鱝及海龜暢泳、駕駛水上電單車追蹤海豚、kite surfing風箏滑水、出海釣大魚、駕駛水底電單車下潛追蹤大魚及礁鯊…呢D活動通通都唔洗額外收費，相當吸引！！
但可惜我哋時間有限，無機會試吓～
食同玩都無得彈，住都係差不多完美。15間水上屋The Residence以井字型設計，內部裝潢係日式海洋別墅，好有溫泉旅館嘅感覺，細節位設計細心，例如電動窗簾、浸浴精油及床頭設置嘅香薰座。
大廳內有張大梳化及50寸大電視，隔離就係king size bed，背後就係以趟門分隔嘅浴室，內有大浴缸及搖椅，完全係日式溫泉感覺，確實係馬爾代夫嘅唯一。
露台以落地玻璃分隔，出面有個約20米長嘅大泳池、太陽椅、大吊床、玻璃餐檯下亦鋪上玻璃地板。對我來說，呢間residence有90分以上，無乜可以挑剔！
如果你問我Kudadoo有乜要改善… 可能係… 房間太少（只有15間），只能容納30位客人，所以成日好快爆，要預早D book房。
我只可以講，Kudadoo實在係一間食、住、服務都質素極高嘅渡假酒店，尤其服務係比其他酒店高貴優越，試問有幾多間酒店可以俾客人入住期間任做 spa、任玩所有活動、甚至連洗衣服務亦係免費無限次數…
Kudadoo嘅優質服務一定能令你十分滿意！
Travel Channel 旅遊頻道 或會有些驚喜比你…不要看…要詢!
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記