W Maldives 為你呈獻馬爾代夫活力玩樂假期！
Marriott 旗下嘅全天然小島 W Maldives 屬於第一代五星級豪華渡假酒店，雖已有 17 年歷史，但其魅力依然四射，來蜜月遊或家庭遊都一樣得！
今次我馬爾大夫從香港飛到馬累，落機後，W Maldives 嘅職員就招呼我哋上車，載我哋到酒店嘅 lounge 等候轉乘水上飛機。車廂播放住輕鬆音樂，所以我哋一上車就已經感受到 W 嘅輕鬆渡假節奏~
Lounge 有小食及飲品供應，職員好快手就幫我哋 check-in 酒店房間，同時又為我哋影咗一張相。休息咗一陣，我哋就準備上水上飛機喇！
坐咗大約半小時水上飛機，我哋就到達酒店。不過好奇怪，我哋一到埗，職員已經認得我哋每一個人，又知我哋叫咩名喎🧐原來酒店好細心，一早將我哋喺 lounge 時影嘅相 send 咗俾酒店接待我哋嘅職員，之後仲送返張相俾我哋，呢個小小嘅舉動真係令客人感到好窩心！
酒店島充滿活力，我哋都感到好雀躍，水屋橋上都聽到音樂，名副其實係一個歡樂Luxury Party Island！酒店島面積唔大，圍繞小島步行一周都只係需要 20 分鐘，我哋一邊行都見到沿途掛上酒店自己嘅 W Maldives 招牌仲見到水底有兩個添。
今次我哋入住入門級水上屋 Fabulous Overwater，房間保養得唔錯，因為 2018 年時全島曾經作大翻新，所以房間都好簡潔乾淨。
Fabulous Overwater 約 1500 呎，空間感足，設玻璃地板嘅圓形臥室及方形浴室突顯規劃性。
寬敞露台設私人按摩泳池及圓形有頂休息梳化，景觀開揚，270 度印度洋海景就在眼前！
去馬爾代夫，唔搵Travel Channel，你仲想搵邊個，即看超$特價！
高一級嘅水上屋 Spectacular Overwater 景觀則望向環礁湖，私隱度反而比較低，但露台就多咗個網床。
整體來說，W Maldives 嘅水上屋都幾得，我覺得 10 分滿分都值得 7.5 分！
W Maldives 得嘅，當然唔只水上屋，食物都得啊！
主餐廳 KITCHEN 就好似家一樣，為客人提供高水準早午晚三餐。Open style kitchen 讓客人見到美食嘅製作過程，我哋於早餐時仲見到職員專登邀請小客人入廚房整 pancake，真係當客人好似自己人一樣。
喜歡親近大自然多啲嘅朋友，來到 KITCHEN 可以選擇坐出面嘅水上餐枱，浸住腳嚟享用美食，確係有 feel 啲！
鍾意大自然用餐環境，記得要去高質水上餐廳 FISH🐟，聽到餐廳 FISH 呢個名就知道佢係供應海上鮮。
客人喺 FISH 一邊吹住海風，一邊品嚐 catch of the day，晚上嚟更加可以睇到護士鯊和魔鬼魚，非常享受呀！
旁邊仲有間 Sip Bar，聽返我哋客人回饋，話 Sip Bar 嘅 bartender 仲會為客人調制屬於佢哋自己嘅 cocktail，之後更會以客人名字命名👍🏼食飽飽仲可以過去，繼續享受一個美好晚上！
另一間酒吧 WET 就係渡假酒店唔少得嘅 poolside bar，讓客人一邊遊水，一邊食吓沙律、薄餅、漢堡包等輕食，輕鬆休閒！
除咗以上兩間餐廳，晚餐仲有一個選擇，就係到位於草叢旁邊嘅 FIRE 食扒🔥FIRE 嘅扒類都好高水準，位於海邊加上四周營火效果，美食加上神秘浪漫氣氛，令人難忘！
作為亞洲人，有時必定會想食吓亞洲菜。呢度都有間全日開放嘅亞洲 fusion 菜KADA，可以食吓壽司、飲吓椰青，保證大人細路都啱食，最適合一家大細嚟。
食住都得，咁 W Maldives 玩又得唔得呢？
我話你知，呢度嘅活動好多元化，每日都有豐富活動安排俾客人，例如 Boxing Class、HIIT Class 及 Yoga Class 等供客人隨便參加。酒店仲設有一個 studio，會為客人提供 30 分鐘免費攝影，更會送返一張相俾客人，無論蜜月夫婦定一家大細都一定會好開心！
去馬爾代夫，唔搵Travel Channel，你仲想搵邊個，即看超$特價！
喜歡水上活動嘅朋友，嚟到一定唔會失望！水上活動中心 WAVE 除咗一般水上活動，仲有 SEABOB 玩，不過我覺得最好玩最精彩嘅活動一定係浮潛！
W Maldives 位於屬於 A 級嘅 North Ari 環礁，附近就有馬爾代夫最受歡迎嘅潛點，近近地淨係酒店 housereef 都已經夠吸引！
入住 Fabulous Overwater 的話，一落海就已經可以見到色彩繽紛嘅珊瑚，WOW Ocean Escape Villa 下面更有個海底洞穴，不過最靚最精彩嘅珊瑚礁就係 spa centre 嗰邊，嗰度有好多魚之外，仲會不時見海龜爸爸 Bob 及海龜仔仔添，不愧為馬爾代夫最著名嘅珊瑚礁！
難得嚟到，坐船去遠 d 追蹤魔鬼魚、礁鯊、海豚同鯨鯊，水底洞穴嘅壯觀足以令你畢生難忘，絕對十分值得！
浮潛完體力透支，一於去得獎嘅 AWAY Spa，於私人水上海景房間做個令人精神煥發嘅療程。有咁靚嘅珊瑚礁及海下陸上活動，仲有 cocktail party，住 W Maldives 玩梗係得啦！
來蜜月嘅新婚夫婦，想要更多私人空間製造浪漫驚喜，就必定要坐 4 分鐘船去私人無人島過一個浪漫之夜！我哋幾個同事冇得浪漫😢不過都過咗去無人島玩無人飛機，影吓靚景，無人小島嘅珊瑚礁都好靚㗎，浮潛一流！
如果你唔係來蜜月遊，帶住小朋友來享受家庭樂，都會玩得非常開心及安心！W Maldives 雖然無 kids club，但活動都好適合小朋友。呢度亦設診所，醫生細心，萬一小朋友有唔舒服都唔洗擔心。整個小島四圍都充滿活力，員工親切有善，大家就好似一家人咁，令我哋覺得好被重視，讚！
無論大人定細路，來 W Maldives 渡假都會玩得開心，樂而忘返！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記