Soneva 集團 – 致力打造可持續發展之奢華渡假酒店，與大自然聯手，讓到訪客人盡情探索，享受自己專屬之生活體驗。
Soneva 於馬爾代夫一共有兩間渡假酒店（將會有第三間），今次我哋一次過為大家介紹晒兩間：Soneva Fushi 和 Soneva Jani，等大家更容易揀一間適合自己嘅 Soneva。
Soneva Fushi 和 Soneva Jani 兩個小島嘅架構都係一樣，但係兩個小島俾客人嘅感覺就有些少唔同！
去馬爾代夫，唔搵Travel Channel，你仲想搵邊個，即看超$特價！
如果你喜歡親近熱帶叢林嘅感覺，建議入住陸地較多嘅 Soneva Fushi；但係如果你特別喜歡海洋，就絕對推介你入住 Soneva Jani 水世界；如果你有假期，當然係一次過實現兩個願望，每間resort都住幾日，享受一個無可媲美嘅馬爾代夫假期！
去馬爾代夫，唔搵Travel Channel，你仲想搵邊個，即看超$特價！
Soneva Fushi
Soneva Fushi 位於 Baa 環礁聯合國教科文世界生物保護區內，係馬爾代夫最大之島嶼之一，亦係當地最有歷史之 5 星級奢華渡假酒店，為赤腳奢華渡假勝地嘅始創者，鼓勵客人於島上赤腳遊走，零距離享受大自然！
Soneva Fushi 小島綠樹林蔭，53 間私人 Villa 隱逸於密茂叢林之間，令人心曠神怡！
我哋今次到訪 Soneva Fushi，由馬累坐 25 分鐘水上飛機再轉快艇就到達。我哋一上快艇，酒店職員就即刻協助我哋除低對鞋並將雙鞋放入袋，再為我哋雙足噴一噴檸檬草舒緩疲勞~解放雙足後，我哋正式進入赤腳豪遊 mode 啦！
上到小島，我哋立即向酒店餐廳進發，醫醫五臟廟！雖然 Soneva 好歡迎客人 in-villa dining，但我哋一行幾人而且逗留時間唔多，所以都首選到餐廳用餐，酒店好細心地安排第一晚就可以試三間餐廳，希望盡量試多d再向大家推介。
主餐廳 Flying Sauces 為客人供應不同類型嘅美食，最特別嘅係餐廳範圍分佈於渡假村唔同位置，cold cut 放於一個 boutique、水果又放於另一個 boutique，客人可以慢慢細味一種美食，係難忘嘅體驗！
位於水上嘅 Out of the Blue 供應海鮮，兩層高景觀開揚，喺度用餐讓人心曠神怡，我哋一來到就即刻見到海豚，可想而知風景有幾優美呢！餐廳亦係一個浮潛點，有啲客人會坐快艇過來浮潛，十分休閒！
另一間餐廳供應國際菜式嘅 Fresh in the Garden。餐廳自成一角，經過吊橋進入高人一等嘅餐廳（下面正是有機農場），係晚上享用浪漫晚餐嘅最佳地點。Fresh in the Garden 供應海上鮮及自家種植蔬菜美食，最令人難忘嘅係呢度嘅甜品！出色嘅飯後甜品配上侍酒師介紹嘅匈牙利餐後甜酒，為我哋嘅晚餐劃上完美句號！
馬爾代夫 Top 1-Wellnness Resort – 實時價
Soneva Fushi 嘅食物質素非常高，份量足而且味道好，如果 10 分滿分我哋都會俾8分！
要知道更多親子酒店，不妨與我們的Travel Advisor 聯絡，了解更多吧！
Soneva Jani
Soneva Jani 位於 Noonu 環礁之寧靜水域內，可以多角度欣賞碧海藍天，係馬爾代夫最大及最豪華渡假村，亦係世界上最低密度嘅渡假村之一，整個渡假村只有 51 間水上屋及 7 間沙灘屋，讓客人盡情享受私人休閒空間！
今次我哋係由 Fushi 直接坐 75 分鐘船到達 Jani，如果由馬累直接入 Jani，只需要坐 30 分鐘水上飛機就到啦！
Soneva Jani 嘅水上屋分為兩期，並以接駁船作交通工具，客人亦可選擇以電動單車、三輪車或小童單車於渡假村內遊走。
呢度附近嘅水域清澈，有海草即代表水質佳，出海浮潛，無論大魚細魚都好容易睇到，保證唔會令你失望！而且小島上四周圍都講求可持續發展，環保及養生概念做得到位，讚！
24 小時管家服務令你咩都唔使煩，酒店好細心咁安排亞洲管家予亞洲客人，同聲同氣容易理解客人要求及期望👍🏼而且管家都好友善健談，主動提示客人活動時間同主動去接客人去用餐及活動，比“有求必應”嘅服務更加有效率及貼心🩷
Jani 嘅餐飲服務亦非常高分，跟 Fushi 一樣咁好！
第一期水上屋 Retreat 及第二期水上屋 Reserve 嘅餐廳都好大，好似城堡一樣，入面各有三間餐廳，一般會提供自助餐及單點食物（入住率低時只會提供單點餐食）。單點食物有好多健康飲品及茶供客人選擇，而且服務周到，廚師會出來詢問客人味道是否合其口味，就算口刁嘅你都唔怕唔啖好食！
位於 South Beach 嘅 So Primitive 供應再造椰子炭燒烤食物，炭燒食物零舍美味，無論羊扒、鹿肉、雞肉都做得十分出色，正正正！
Crab Shack 被 CNN.com 選為 ‘World’s Most Romantic Restaurant’，供應由斯里蘭卡出產嘅海蟹，特別調製醬汁及蟹肉炒飯都好好味！食物一大盤好吸引，而且配上食蟹工具，食飽更有檸檬茶洗手，滋味過癮！
位於沙灘影院嘅 So Bespoke 供應香港人食慣嘅日本菜，味道一般冇乜大驚喜，可以選擇其他🤫
The Gathering 內嘅沙律菜房可供客人隨便拎食物
So Chill 除咗供應早餐，從早到晚都提供 cold cut，好多乾果、芝士、火腿俾客人享用。
So Guilty 專為喜歡朱古力嘅客人而設，各式各樣免費朱古力任食，真係好邪惡！
Jani 嘅餐飲服務同 Fushi 都一樣咁高質👍🏼
以下等我詳細講吓兩間渡假酒店嘅住宿及活動設施~
住宿：Beach Pool Villa & Water Villa
Fushi 及 Jani 兩間渡假酒店嘅 Villa 有 8-9 成相似。
Soneva 住宿最大特色，當然就係所有 Villa 都係兩層，而 Water Villa 更配備瀡滑梯！
複式別墅 Beach Pool Villa 最適合有小朋友嘅家庭入住。超過 2 米高嘅大門令人印象深刻，Villa 內超高樓底及空間寬敞，客廳及主浴室位於地下，主人房位於二樓 。
地下主浴室予人大自然感覺，人造水簾及小池塘好有特色，從浴室亦都可以望到外面嘅大樹，感覺非常舒適！戶外淋浴及洗手間內都設有可以供客人休息嘅睡床，無論去到邊都可以隨時瞓吓，悠閒享受浴室空間，讚！
二樓主人房設有一般睡房設施外，仲設有一個小型閱讀區及皇帝椅，另加設浴室方便客人。睡床亦有蚊帳，確保客人晚上安眠。
配備 Sir 滑梯嘅 Water Villa 適合蜜月夫婦亦適合家庭。
Water Villa 內所有傢俱都係全實木，原木色配上其他黃綠色配搭，感覺清新。睡房位於地下，旁邊嘅客廳設有工作區，工作區後就係 Minibar、洗手盆及酒櫃。
整間 Villa 都有好多儲物地方，衣帽間及化妝鏡位置都設有冷氣，非常方便女士早上扮靚靚出門。
Water Villa 內嘅淡水私人泳池係馬爾代夫 villa 中數一數二大，就算唔落海，於私人泳池暢泳都可以滿足到；除此之外，露台都放咗兩塊直立板，客人隨時攞嚟玩都可以。
要瀡滑梯當然要上 villa 二樓啦！二樓露台除咗設有瀡滑梯，亦有橢圓形餐枱，方便與朋友家人聚餐。好欣賞 Water Villa 空間感十足，根本就係一間私人別墅！
其實如果再細緻 d 咁分，Fushi 及 Jani 兩間渡假酒店嘅 Water Villa 都有不同之處！Fushi 嘅 Water Villa 以黃綠及木色為主，而 Jani 嘅兩期 Water Villa 裝飾佈置有啲唔同。
第一期叫 Water Retreat，第二期叫 Water Reserve，室內除咗以實木打造大自然風格，亦配上白色和紫色裝飾，有少少公主城堡高貴格調，而且 Villa 內共有 4 個玻璃地板位置👍🏼
至於 Water Retreat 及 Water Reserve，分別就只係在於私人泳池係鹹水或淡水，仲有露台戶外位置面積都有啲分別。
活動設施
兩間渡假村都落實執行慢活生活，唔想旅客來到仲被平日忙碌生活煩擾，所以渡假村範圍內嘅無綫網絡都比較差 (3G)，令客人唔會掛住碌手機，專注享受假期。不過管理層都明白有時客人都無可避免要 WiFi 處理一啲事情，所以之後都會於某些特定位置將 WiFi 信號增強，並標誌清楚，讓客人可以有選擇。
去馬爾代夫，唔搵Travel Channel，你仲想搵邊個，即看超$特價！
沒有網絡，專注投入 SlowLife，到 Soneva Fushi’s Eco Centro 及有機農場學習有關可持續發展新知識，擴闊思維空間。
喜歡慢活嘅朋友，通常都會喜歡咖啡~渡假村嘅所有咖啡豆都係從非洲入口，再自家烘焙，客人更可以參觀整個烘焙過程👍🏼另外，Fushi 島上嘅 Soneva Art & Glass 嘅工作坊可讓客人學習吹玻璃，循環再造島上及其他渡假村嘅玻璃，環保又好玩！咖啡烘焙及吹玻璃真係無咩其他 resort 可以做得好，非常特別。
So Starstruck Astronomy Dinner 亦係 Soneva 嘅另一個有趣活動。一邊享用美食，一邊跟住觀星學家觀天，讓天文望遠鏡帶你走進深不可測嘅宇宙。
我哋都推介大家來到做試一下呢度嘅 Spa！Fushi 嘅 Spa Centre 環境優美，做療程時柔和音樂配合按摩師專業手勢，感覺非常舒適，想唔瞓著都好難😄
喜歡運動健身嘅朋友，可來設置先進健身器材嘅 Fitness Centre 繼續健身習慣。喜歡水上活動嘅都必定忙得不可開交，除咗浮潛欣賞 A 級珊瑚及到沙灘同小朋友推沙，一大堆水上活動項目如新穎嘅 Efoiis、Esurf 和 Seabobs 等住你！
想要另類體驗？坐船到私人 sandbank，參加每逢周二舉行嘅 Management cocktail party，夕陽下與新相識飲兩杯傾吓計，輕鬆愉快！
來蜜月，當然要無比浪漫！你可以與最愛到私人 Sandbank 共渡二人世界，於豪華帳篷享受一個浪漫與寧靜嘅晚上。
想更加奢華享受假期？上 Soneva in Aqua 帆船於海上享受前所未有嘅尊貴體驗！
私人帆船上設有兩個臥室可供客人過夜，室外及室內各設一個按摩池，船頭更設有網床，非常容易睇到海豚㗎！
Soneva 好歡迎小朋友來入住，WiFi 及電子產品都無嘅 The Den Kids Club 內活動豐富：攀石、吊索、水上乒乓球、band房、繪畫、Cave Mocktail 酒吧、Board game、街機、老虎機、cosplay，仲有落水嘅滑梯，包保大人細路都會玩到唔捨得走！
Soneva Academy 則為 12 歲以上少年人設計咗一套教育課程，讓佢哋渡假時都可以學習新知識！
最後順帶一提，Soneva 嘅服務真係好細心，如果你係夜機離開馬爾代夫，亦都可以於機場休息室停留直到晚上八點，唔需要擔心等飛機期間冇地方去，可以好好休息。
睇咗咁多我嘅介紹，相信大家對 Soneva 呢兩間 resort 都心心眼😍心動不如行動，快啲搵我哋了解多 d 啦！
去馬爾代夫，唔搵Travel Channel，你仲想搵邊個，即看超$特價！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記