馬爾大夫又有好介紹
今次我哋好榮幸，受到一間未正式營業嘅5星渡假酒店邀請，到來作實地考察！2020年4月2日，馬爾代夫全新酒店Radisson Blu Resort Maldives將正式面世，今次等我率先預告一下呢間酒店有幾吸引！
Radiosson Blu Resort Maldives位於Alifu Dhaalu Atoll，由馬累出發只要坐30分鐘水上飛機，或者坐20分鐘內陸機加15分鐘快艇就可以到達。
Alifu Dhaalu環礁本身係另一間5星級酒店嘅picnic island，四周海域海洋生態豐富，潛點無數，除咗珊瑚魚，海龜等海洋生物，呢度仲有季節性魔鬼魚及全年都會遇到嘅鯨鯊，對海洋世界嘅粉絲確實係一個極為吸引嘅渡假好地方！
酒店今次專誠招待Travel Channel，我哋入住期間只有我哋幾位客人，服務品質當然一流，不過可能與正式運作後嘅真實情況有出入，始終招待幾位客人同幾百位客人對酒店管理層及員工嚟講分別太大，所以喺呢個blog我會主要介紹一下酒店硬件，待酒店開幕後我哋再嚟嘅時候，就會再詳細講吓餐廳及其他服務。
Radisson呢間酒店除咗以精彩海洋生態作賣點，佢嘅overwater villa亦甚為囑目。酒店主島上有23間beach villa，主島左右兩邊分別興建咗三個心形jetty及一個心形jetty，105間overwater villa就係依住呢D jetty而建，即係話所有水上屋以心形排列，由高空望落去就會見到四個心圍住個主島，非常特別！
主島對出仲有一個adult island，上面有overwater spa、yoga pavilion，泳池及pool bar，只有成人先可以進出呢個島享用設施。
我哋入住嘅Overwater Villa with Private Pool係基本房型，共有98間，另外仲有6間3-bedroom Overwater Villa with Private Pool 及1間最大嘅Presidential Villa，加上beach villa，全酒店就有128間villa。
Overwater Villa with Private Pool面積特大，有2300呎，偏廳睡房浴室全可直達露台，室內間隔分明，樓底高，加上各種燈光照明及智能家電，令人放鬆自在。
大露台上嘅私人泳池亦都非常之大，我以腳步粗略量度過，泳池長度有18步…
以基本房型嚟講，實在令人喜出望外！想浮潛睇魚，只要係自己villa露台落水就可以，因為附近已經有好多靚珊瑚礁，海洋生物一定多，我哋冇落水就咁望落去已經見到鯊魚仔及墨魚等，相信待酒店工程全面完成後，會有更多海洋生物出現，到時海底世界一定更精彩！
Radisson都注重餐飲服務，有餐廳及酒吧各3間，仲有個酒窖，客人可選包早晚兩餐或早午晚三餐嘅套餐，就可以試到唔同餐廳酒吧嘅佳餚美食。
其他酒店設施如kids club，water sports centre，dive centre當然都有，喺Radisson要食要玩一定無問題。
如果你打算嚟蜜月遊就更加適合，因為酒店會為新人送上floating breakfast及花瓣浴等，其中送上最特別嘅服務，係員工會用客人手機幫新人免費拍攝30分鐘，為佢哋留低美好回憶，確係吸引呢！
今次我就講到呢度，喺不久嘅將來我會再次到訪Radisson，到時再向大家介紹各酒店服務及活動啦!!!
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記