於 2021 年 6 月先開幕嘅 Ultra Luxury 豪華渡假村 Patina Maldives 係一個綜合休閒渡假勝地，讓旅客享受自然美，隨住自己發自內心對自由嘅響往，創造屬於自己嘅馬爾代夫假期！
由馬累機場出發，坐 50 分鐘快艇或 10 分鐘水上飛機，就到達呢間 Capella Hotel Group 旗下嘅旗艦渡假村!
Patina Maldives 一共有 90 間分別 1-3 房嘅 Beach villa 及 Water villa，另外仲有 20 間Fari Studios。喺開業嘅短短一年間，已經獲得三個獎項，可見其吸引之處！
我哋今次入住約有 2000 呎嘅 One-Bedroom Water Pool villa。房間以長方形設計，來自巴西嘅設計師 Marcio Kogan 以 16:9 嘅視覺黃金比例打造酒店嘅裝潢，所以好多裝修及畫作等藝術裝飾都係以呢個黃金比例呈現，非常特別。房間以好多木條子作間隔及裝飾，配上大地色系，加上柔和嘅燈光，感覺既時尚又溫暖，就好似返到屋企一樣舒服，但又不失馬爾代夫完全融入大自然嘅渡假感覺。
Villa 內除咗有一般酒店嘅設施，仲設有一張好少酒店有嘅搖搖椅; 浴室內嘅落地玻璃門可以完全打開，沐浴都可以聽到海浪聲，零距離接觸印度洋。浴室另一個較特別嘅地方，就係智能廁所，暖嘅廁所板用起嚟好舒服！所有房間內嘅設備都係智能控制，非常先進方便！如果希望於自己房間都欣賞到日落，可以選擇 Sunset Beach / Water Pool Villa，感覺更加浪漫！
Villa 露台有太陽椅，吊床及最重要嘅泳池，由於無圍欄圍住露台，所以感覺比其他酒店水上屋嘅露台更無邊無際👍🏼 但可惜我哋入住期間遇上季候風，所以無機會好好享用露台設施。如果你喜歡浮潛，可以入住面向東方嘅 Water Villa，那邊比較接近珊瑚區。因為渡假村面積實在好大，客人都可以使用單車代步四圍去，但進入水上屋橋前就要將單車泊好，再步行回自己嘅水上屋。
如果有小朋友同行，想近沙灘，可以選擇位於內灣嘅 Beach Villa，內灣水域非常平靜，小朋友可以安全地開心玩水；Beach Villa 嘅設計同 Ocean Villa 一樣，只係多咗一個戶外淋浴區同小花園。
>>去馬爾代夫不找Travel Channel是你的損失喔！快來看看吧！
至於喜愛水上活動嘅朋友，可以入住鄰近活動中心 Fari Marine Village 嘅 Fari Studio。Studio 面積約 700 尺，分上下兩層，設計與 villa 差唔多，一樣咁舒服休閒，好適合全日出外活動後晚上返嚟休息。
Patina Maldives 係一個創新和持續發展的實驗中心，得到 Global Vision Awards 加許其對可持續發展生活及旅遊嘅貢獻，整個酒店島非常之大，基本上就係一個露天藝術館，裏面佈滿藝術品，絕對係影相打卡嘅好地方一。
Fari 群島內有三間豪華私人渡假村，Patina Maldives 就係其中一間。Fari Marina Village 裡面包含一個充滿活力嘅共享品味空間及 Beach Club，除咗充滿吸引力嘅精品店以及多間餐廳，仲有由世界著名美國藝術家 James Turrell 創作嘅藝術裝置Skyspace Amarta，令人眼前一亮！因為 Fari Marina Village 和 Fari Beach Club 都係位於 Patina 酒店島上，所以 Patina 嘅住客唔需要坐船就可以享用到所有休閒設施，而其他渡假村嘅客人就可以坐遊艇過來玩樂。
>>去馬爾代夫，唔搵Travel Channel，你仲想搵邊個，即看超$特價！
Patina 酒店島上仲有一隻由香港人擁有嘅 Super Yacht 可供客人預訂出海 sunset cruise，船上有支香港區旗，喺馬爾代夫坐香港人嘅超級遊艇，都幾特別。
Patina 嘅魅力，又點止在於其 villa 及玩樂設施咁簡單，喜歡美饌佳餚嘅朋友，Patina 係你嘅必然之選！12 間高質餐廳任君選擇，全部以減少食物浪費及碳排放足跡理念營運，綠色食物環保之餘，味道亦令人一試難忘，等我逐一簡單介紹一下：
1）Roots（主餐廳）
可以喺度食到自家有機果園種植食材烹調嘅早午晚餐。我哋每日都喺 Roots 享用半自助早餐，雖然餐牌上嘅選擇唔算多，但客人要求嘅一般早餐都可以做到，可以主動問侍應可唔可以做到你想食嘅早餐。
2）Wok Society（中餐及亞洲菜式）
掛住香港嘅味道，一定要嚟試吓 Wok Society 嘅點心，味道出色，仲有其他中菜如咕嚕蝦球，都好高水準，甚至比喺香港一般食到嘅仲好味
3）Veli Bar（池畔酒吧）
好舒服嘅池畔酒吧，讓客人一邊游水，一邊享用 pizza 等輕食
以上三間餐廳位於同一個區域，好方便！
下面嘅 9 間餐廳位於 Fari Marine Village，供應各國菜式：
4）Helios（希臘及地中菜式）
位於沙灘邊嘅休閒餐廳，客人可以一邊品味各種由新鮮食材製成嘅地中海菜式如海鮮和羊架，一邊欣賞夕陽。
5）Go Go Burger（漢堡包薯條）
希望簡單食，可以到呢架位於沙灘嘅漢堡包餐車，買個美味漢堡包加一包薯條，坐低慢慢享用。
6）Koen（日式北歐菜式，只於星期二開放）
想試試日式北歐 fusion 菜，可以到環境簡潔優雅嘅 Koen，以優質食材炮製嘅鐵板燒非常吸引！
7）Barsa（南美式燒烤）
要感受熱情和熱度，晚上到設有開放式廚房嘅Barsa品嚐巴西燒烤日式和牛、海鮮及羊架，必定回味無窮！
8）Farine（酒窖及芝士吧）
Farine 酒窖珍藏咗來自世界各地400多種酒類，為客人提供品酒體驗，客人亦可以於此舉行私人餐酒宴。食物方面，前菜，主菜及甜品各有三款以供客人選擇。
9) Fari Beach Club
想懶洋洋輕鬆食，一定要到擺放咗舒適梳化椅俾客人一邊輕鬆聽音樂，一邊享受悠閒嘅 beach club！由米芝蓮二星廚師 Nick Bril 主理嘅 beach club 供應午餐及晚餐，酒吧就由中午 12 時開始直到凌晨都有酒水供應。
10) Tuk Tuk Gelato 雪糕車
Tuk Tuk 每日為成年客人免費提供兩球 6 種唔同口味嘅雪糕，小朋友更加係無限量供應，隨時可以來食杯！
>>去馬爾代夫，唔搵Travel Channel，你仲想搵邊個，即看超$特價！
11）Arabesque（黎巴嫩及印度料理）
由鄰近酒店 Ritz Carlton 營運，供應香港人較少機會嚐試嘅中東菜式。
12) Tum Tum 亞洲風味餐車
位於 Fari Marine Village，由鄰近酒店 Ritz Carlton 營運，供應湯麵湯粉蒸包，方便喺附近行街購物嘅客人。
Patina 嘅客人想到 Ritz Carlton 營運嘅餐廳用餐，需要額外收費。
鍾意品酒嘅朋友，Patina 一定唔會令你失望，因為除咗 Farine 有 400 多種酒類，在 Koen 日本餐廳亦有好多酒供客人選擇，而 bartender 亦十分專業，會為客人介紹喜歡味道嘅酒類，無論服務及酒品質量都好好！
而 12 間餐廳供應嘅食物多姿多采，每一間嘅食物質素都好高，令 Patina 充滿無限魅力！
除了食和玩樂，Patina 亦都好注重養生。
“FLOW” 係 Patina 裡面嘅養生概念，當你抵達酒店島一刻就會感受到。FLOW 鼓勵有質素睡眠、注重心靈健康、營養飲食、輕鬆享樂和健身，希望客人藉著 spa 療程和體能活動，讓身體與大自然聯合，令客人身心平靜，回復平衡。因此，酒店嘅 spa 特設 WATSU 水池療程和高低强度不同嘅健身课程，仲有體態專家及睡眠照療師等為客人提供健康資訊，十分全面。
超豪華酒店 Patina 無論住、玩、食都十分高質素，好適合夫婦來渡蜜月或一家大細來享受難得嘅奢華假期！
>> 立刻看看Patina Maldives優惠
>> 想找優惠？想升級Maldives Resort，獲更多Benefit? 即時登入！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記