馬爾大夫又有好介紹
難得去馬爾代夫渡假，當然想盡情去玩，唔洗成日計住D錢，今次我馬爾大夫介紹間物超所值嘅酒店俾大家，等你哋可以嘆住世界玩得暢快?
於2016年中才開幕嘅Ozen By Atmosphere提供all-inclusive全包式package”The Atmosphere INDULGENCE”，吸引唔少從世界各地遠道而來嘅旅客！呢個package除咗包含早午晚三餐同餐廳飲料單中嘅酒水之外，亦包含一次excursion導賞遊（如出海觀賞海豚丶日落巡航或參觀居民島etc)丶一次黃昏海釣、一次60分鐘spa或出海深潛，以及一頓喺海底餐廳嘅高級晚餐！係咪極之吸引？而家等我慢慢逐一介紹一下?
Ozen 位於Maadhoo Island，喺馬累機場坐40分鐘豪華快艇就到，今次因為只得我哋同行三位，所以有機會自己試吓揸遊艇，超級開心！
好快就入到島，遠遠就見到Ozen嘅職員一字排開喺碼頭旁迎接我哋，傳說中嘅海島渡假開始啦！接待人員帶我哋去等check in嘅休息區辦理入住手續，在旁嘅服務人員已經立即遞上迎賓香檳同冰凍毛巾俾我哋歇歇，無幾耐小黑管家就話房間已經準備好，並提醒我哋記得傍晚返去front desk預訂餐廳同喜歡嘅活動，然後就帶我哋先到房間休息一下。
今次我哋入住Wind Villa水上屋，係位於島嘅另一邊，由主島行到Wind Villa最尾嘅房間需要大概7-10分鐘，唔想行都無問題，因為酒店提供單車，咁出出入入就唔會怕遠喇！
Villa依著一長排嘅木棧道而建，木棧道嘅盡頭就係海底餐廳”M6m”。
從餐廳走出來靠左邊嘅係附泳池觀日落景嘅Wind Villa with Pool，而右邊就係我哋入住嘅不附泳池Wind Villa啦～
一推開房門就見到房間落地大玻璃窗後嘅那片蔚藍海洋，不禁＂嘩＂咗一聲，見到呢個大海畫面成個人都精神曬！舒適嘅雙人大床面向落地玻璃窗，讓住客可以攤喺床上睇海。梳化前面仲有一塊大大嘅透明玻璃地板，唔洗濕身就已經觀賞到珊瑚魚??
推開主臥室側面嘅木門係獨立超大浴室，裡面配置超大蛋型浴缸，對住無敵大海景，旁邊仲有超貼心嘅小木桌，可以放酒杯放點心！
Ozen提供嘅梳洗用品係英國精品品牌Asprey，我幾鍾意嗰股淡淡嘅清香。除咗基本嘅洗髮水丶護髮素丶淋浴露丶潤膚露以及牙膏牙刷外，仲有一小樽SPF30防曬液(最後被我哋用清)丶一樽蚊蟲叮咬修護乳液（呢個我哋反而無用過)，同有一小盒潤唇膏。
跟住我哋就推開落地玻璃門出去戶外露台，住水上屋最主要原因當然就係享受呢個面對無敵大海嘅完美露台！露台唔算好大，我哋住嘅係不附私人泳池觀日出景嘅房間，同附私人泳池嘅房間Wind Villa with Pool基本上面積一樣，不過Wind Villa with Pool欣賞到嘅係日落景。
露台設施一應俱全，躺椅、小梳化同受歡迎嘅懸空吊床都有，原本自認不怕高嘅我見到吊床超開心，迫不及待爬上去攤吓，結果一上去向下一望⋯⋯腳下空空真係有D得人驚，瞓咗一陣就覺得有D腳軟，都係上返嚟先?
室外露台必備嘅直達海面小樓梯，住水上屋嘅呢兩日我哋都係由呢度落去浮潛。
房間設備當然應有盡有：電視、藍芽音響，Mini Bar丶酒櫃，仲有咖啡機等等，小雪櫃裡面有朱古力丶各種啤酒、可樂、果汁、沖咖啡用奶油球，兩樽冰水。呢個時候就一定要講一下All-inclusive嘅好處喇，頭先提及嘅所有通‧通‧都‧免‧費！有D酒店都一樣有 All-inclusive package，不過就一定無Ozen咁大方，免費提供嘅酒類超多，紅白酒之外還有女生最愛嘅粉紅酒同香檳！想食乜想飲乜請隨便，食曬要添打個電話就即刻有，就算你唔打電話要求服務人員都會一日refill兩次!!
另外都簡單介紹埋比較適合小朋友嘅沙灘屋Earth Villa俾大家~
沙灘屋可以直達沙灘，四周椰林樹影，每間獨立別墅都設有露台丶小花園同一個寬敞嘅戶外浴室，浴室裡面有個超大蛋形浴缸，亦有戶外淋浴間，因為每天出海嘅緣故我哋每日都差不多要沖2-3次涼，所以成日會喺呢個區域出沒?
All-inclusive package中有五間餐廳供住客選擇：壽司吧丶輕食酒吧丶印度菜及北京菜餐廳丶海底餐廳，以及主餐廳，就算住４晚酒店，都可以晚晚去唔同餐廳，超正！ Ozen嘅主餐廳The Palms，供應早、午、晚餐Buffet，除了The Palms之外其他餐廳都只供應晚餐，所以早餐同午餐都必定要喺度解決，而每天嘅菜色都會有D變化～
早餐@ The Palms
熟菜區：有燒賣、炒麵、薯塊、南洋風味椰漿料理、粥、湯麵
新鮮果汁區：所有果汁都係新鮮原汁，有西瓜汁、奇異果汁同蘋果汁，旁邊仲有部鮮榨橙汁機，只要拎個杯向內推機器就會榨出新鮮橙汁，都幾有趣。另外，餐廳嘅Drink menu都係All-inclusive package入面，早餐嘅drink menu就有各種咖啡(latte、cappucino同其他單品咖啡，我最喜歡latte)、冰茶同奶昔～因為天氣比較熱，我哋通常一到餐廳就叫杯香蕉奶昔+拿鐵+兩三杯果汁?
午餐@The Palms
我哋The Palms共食咗四餐午餐，雖然都係Buffet再點主餐，但每天菜色都會有些不同。我要介紹一下午餐中主菜之一： 炭烤牛扒！牛扒肉質出乎意料地嫩，搭配超夾嘅醬汁，好味。午餐嘅咖哩應該算係當地南洋口味，咖哩醬有4-5種，菜式有魚咖哩、羊肉咖哩、牛肉咖哩，亦有蔬菜咖哩，而海鮮咖哩又辣又夠味，同之前我喺印度食到嘅一樣美味。
甜品方面每餐大概都有10種左右，有小朋友最愛嘅棉花糖朱古力噴泉，麵包布甸亦好好味！
晚餐@The Palms
我哋喺The Palms吃嘅晚餐係Friday Night嘅南洋之夜，同平時嘅菜色唔同，有特別嘅燒烤食，而晚餐嘅沙律都非常新鮮，麵包區旁有各種現切芝士，西方遊客就對沙律麵包芝士特別熱愛。晚餐主菜就有意粉、牛肉同燒魚，三款味道都唔錯，誠意推介我最愛嘅Penne Pasta ，蕃茄味酸酸甜甜，就算好飽肚我都忍唔點完又點?雖然係Buffet餐廳，不過主菜都好大份好有誠意，點兩個主菜再搭配Buffet，就飽到捧住個肚唔識郁啦！
晚餐嘅飲品選擇亦非常多，除咗Buffet檯嘅啤酒、新鮮果汁同蘋果茶之外，仲在Drink Menu內嘅紅酒、白酒，咖啡同Soft Drink(可樂、雪碧、奶昔等等)，多到唔識揀！
至於活動方面，不如直接俾D相大家睇吓啦～
最後提提大家，出發前記得要帶備以下必需品：
1. 防曬油、防曬油丶防曬油
2. 曬完太陽後用嘅蘆薈霜
3. 不可不帶嘅太陽眼鏡
4. 泳裝
5. 個人衛生用品
6. 女仕們記得要帶面膜
7. 面罩與呼吸管：酒店有得免費借出，較注重衛生嘅朋友可以自己上網買帶過去
8. 太陽帽
9. 記得記得帶電子產品充電器，用返香港插頭就可以
10. 一D美金散紙丶信用卡
我馬爾大夫大力推介乜都包嘅Ozen By Atmosphere，快D到 http://www.travelchannel.com.hk了解詳情啦！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記