馬爾大夫又有好介紹
馬爾大夫在馬爾代夫又有特別野 !
Ozen Reserve Bolifushi 有新突破 ! 增設了 – Private Ocean Retreat with Pool Sunset 及 Infinify Pool Ocean Villa with Slide.
Ozen 集團旗下嘅酒店遍佈世界各地 ~ 大家又知唔知原來喺馬爾代夫都有間5星級嘅 Ozen Reserve Bolifushi 呢？
Ozen Reserve Bolifushi 位於嘅 Bolifushi Island 係一個中小型嘅島，整個島都充滿地中海色彩，同其他馬爾代夫嘅酒店感覺好唔同！
Bolifushi Island 比較近馬累，只需要坐20分鐘船就到達
呢間酒店俾我哋嘅感覺真係好高級，一落機到馬累就有職員帶我哋去酒店嘅私家lounge度休息，其實喺馬累機場有貴賓室接待客人嘅酒店唔多， Ozen Reserve Bolifushi 係其中一間。我哋飲吓嘢休息咗陣就可以上船，我哋去到碼頭先知原來今次坐嘅係一隻好靚嘅遊艇，確係與別不同！
一上到島，外型好似古典嘅私家車嘅buggy已經恭候我哋，見到呢D咁典雅嘅古董buggy喺島上穿梭，感覺好得意！
司機叔叔送我哋到今次入住嘅Two Bedroom Beach Suite with Pool，套房有兩層，面積約共3000呎，最多可以住6人，可包括4位12歲以下幼童。
套房上層嘅睡房係twin bed、浴室同露台，下層就有一間king size bed嘅主人房、浴室同客廳；而全間套房最特別之處就係個L型泳池，因為佢一端係連接住沙灘，而另一端就連接住浴室，曬完太陽玩完沙可以直接游返浴室沖涼，實在寫意！
相對比較適合港人家庭嘅係Beach Villa with Pool Sunrise/Sunset，適合兩公婆再加多兩個小朋友／三個大人，面積約2000呎，villa全以木材裝潢，燈光及其他裝飾都佈置得非常細緻優雅，甚有地中海風情，感覺奢華。
整間villa分開兩邊，左邊係好大嘅浴室，大到可以容納一張梳化，仲有個大理石浴缸同淋浴間，對出有張露天搖椅； 而右邊就係睡房，睡床面對住沙灘，四邊有床紗圍住，影音設備可連接Apple系統。
呢間villa都有同beach suite一樣嘅L型泳池連接沙灘，villa出面嘅沙灘有個亭仔，入面有張雙人床，攤喺度瞓個晏覺真係人生一大樂事！
一家人要住water villa的話，呢度嘅Water Villa with Pool Sunrise/Sunset 都適合有兩位12歲以下小朋友嘅家庭，面積都係約2000呎，空間夠大，可以直接喺大床旁加床；
房間嘅睡床喺中間，天花安裝咗吊床及圍住張床嘅圓形紗簾，另一邊再落兩級係偏廳，偏廳內設玻璃地板同埋兩張大梳化，前面就係全落地玻璃窗； 露台就有一個大涼亭俾住客午睡丶太陽椅同視野更寬廣嘅三角形泳池，嚟緊亦會加建網床，希望住客可以有更多享受！
想自成一角要更多privacy，呢度兩層嘅Ocean Suite with Pool就啱你要求，因為佢位於海中心，出入都要坐船，即是話除咗你哋自己人同海浪聲，你絕對無可能聽到其他人嘅聲音。
睡房設於上層，下層有客廳丶偏廳丶浴室同pantry，有2000多呎，可以容納三個大人或兩大一小家庭。
介紹完 Ozen Reserve Bolifushi 嘅房間，我必定要講吓呢度高質嘅食物！
食早餐嘅Samsara提供各式各樣嘅早餐選擇，每款食物雖然細細碗好精緻，不過實在好多選擇，包括各國菜式如印度、俄羅斯等丶多款新鮮水果及果汁，仲有個organic counter，另外亦有一D menu上嘅菜式可以再點，所以我哋各人都對呢個自助早餐好滿意！
Samsara亦提供自助晚餐，同早餐一樣都有好多菜式。
午餐喺B4R度食，呢間泳池吧係單點，初時以為都係食D普通嘢，但原來食物選擇都好多，豐富而且好味！
晚餐我哋亦試咗位於水上嘅Fenesse高級法國餐廳，呢間得獎餐廳食物質素又高又好味，最重要價錢唔貴！我哋試嘅牛扒鵝肝丶沙律同蝦都好味到不得了，highly recommend！不過可惜嘅係因為餐廳環境太暗，影唔到D美食俾大家睇，留返俾大家自己親身去試吓啦！
另外menu上有D set內嘅菜式配以不同嘅酒，鍾意飲酒嘅朋友就最啱，一餐飯可以試唔同酒。而有一D菜式廚師係會現場喺客人面前烹煮，都幾有趣。
Ozen Reserve Bolifushi 食住都咁正，玩都唔輸蝕啦！呢度嘅Kuda Koli kids club堪稱全馬爾代夫最大之一，?面有各類室內室外玩樂設施，淨係單車都有差不多20架，仲有個兒童泳池，又有baby sitting服務，各位媽媽絕對可以放心將仔仔囡囡放低自己去做個spa！
Talise Spa係一間水上屋，環境好好，無論技師手勢定個spa treatment嘅過程都令我哋滿意至極！ Treatment嘅每個細節位都令我哋感到十分放鬆，唔會好似有D spa做完好似無做過，所以我哋都好推薦呢間spa！
講咗咁耐都未提到呢度出名靚嘅珊瑚礁！因為珊瑚礁環好大，所以沙灘屋同水上屋下面都係浮潛區，住邊都可以好方便落到水~
酒店另外當然仲有diving centre，water sports centre，24小時開放嘅gym room，同埋溜冰場雖然溜冰場唔係用真冰，只係一個以特別物料造嘅仿真冰，不過可以喺度玩吓，都幾得意呀！
我哋對 Ozen Reserve Bolifushi 嘅食住玩都非常滿意，整間酒店都充滿渡假感覺，氣氛好好，相信嚟到呢度一定可以過一個真正放鬆嘅馬爾代夫假期！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記