JOALI Maldives 位於全球最大及最深嘅珊瑚礁上，環境美不勝收，從馬累機場坐 40 分鐘水上飛機就可以到達，而我哋就係直接由姊妹酒店 JOALI BEING 坐快艇過嚟。
去馬爾代夫，唔搵Travel Channel，你仲想搵邊個，即看超$特價！
JOALI Maldives 一共有 73 間水上屋及沙灘屋，我哋今次入住嘅水上屋 Luxury Water Villa with Pool，屬於第二級別嘅水上屋，面積 3000 呎左右。
整間 Water Villa 分為 3 個大空間，樓底非常高，以深啡色及金銅色作主色調，而傢俬就以淺色為主，與牆身及房間內裝飾形成對比，感覺既高雅又溫暖。
茅草屋頂嘅 Villa 一入門口就係大廳，梳化後有個設有酒櫃嘅 mini-bar，牆身安裝咗環迴立體聲喇叭。中間嘅空間就係主人房，主人床設有床紗，房間內擺放咗一張小貴妃椅，當然亦有電視及工作枱，ipad 亦放在主人房內。
浴室內的浴缸置於浴室中間，備有三種海鹽及絲瓜刷，客人可以一邊望海一邊浸浴。浴室內擺放咗一張非常專業嘅梳妝枱，可以俾女士坐低慢慢扮靚。衣帽間放有拖鞋，浴袍及救生衣。從浴室可以直接行出位於露台嘅戶外沐浴區，整個空間都以竹紋裝飾將其與大廳裝飾貫徹。
露台十分廣闊，泳池與房間大小一樣，有 20 步嘅長度，比其他酒店嘅泳池深（1.3米）。泳池落水位有一張網床，而另一邊亦設有頂涼亭，亭下放咗一張舒服太陽椅及梳化。露台與客廳，房間及浴室連接，想隨時出露台都好容易。
Water Villa with Pool 面積有 2500 呎，設計與裝飾與 Luxury Water Villa with Pool 一樣，只係間隔及有些配置有少少唔同，例如 minibar 及露台比較細，但浴室及泳池都一樣大。
>> 想找更低優惠？想升級房間，獲更多Benefit? 即時登入！
JOALI Maldives 嘅水上屋橋好長，面向日落方向嘅水上屋有個拖尾沙灘，如果水流啱會見到沙灘露出水面，可以從水上屋游水過去沙灘，幾得意！
如果一大班親朋好友嚟玩，可以入住容納到 10 人嘅 Four-Bedroom Beach Residence with pool，兩層高嘅別墅屋設有私人管家及司機等服務，非常適合親友歡聚！
>> 去馬爾代夫不想花冤枉錢？又想先睹為快？一定要看看峰旅Blog
JOALI Maldives 嘅餐飲服務都非常到位，一共有四間餐廳為客人提供各地菜式：
位於沙灘區嘅主餐廳 Vandhoo 提供早餐及晚餐，早餐有半自助形式及單點形式，晚餐就主要提供亞洲及地中海菜色，食物優質。
位於水上屋橋頭嘅 Mura Bar 供應午餐及晚餐，係一邊享受輕食飲品一邊欣賞日落嘅好地方。
Mura Bar 設有好多特色椅及藝術品俾客人喺度影相打卡，客人可以喺度好好享受休閒時間。
由米芝蓮廚師主理嘅意大利餐廳 Bellinis 供應晚餐，喜歡意大利菜嘅朋友可以到來一試。
香港朋友好鍾意食日本菜，咁就一定要到呢間位於水上嘅日本餐廳 Saoke。由世界著名日本餐廳設計師川松幾加設計，餐廳有一條清酒長廊陳列，擺放咗好多清酒珍藏，喜歡清酒嘅朋友當然唔可以錯過。
Saoke 設有鐵板燒，食物好唔錯，配上自家調制豉油，好有日本風味。晚上到 Saoke 用晚餐仲可以見到常常出現嘅護士鯊，令人難忘。
La Joie 朱古力及雪糕店必定係最受大人小朋友歡迎嘅餐廳，呢度供應工匠巧造嘅新地及朱古力等各式各類甜品，非常美味吸引！
除咗到餐廳用餐，客人仲可以選擇到私人沙灘或以魔鬼魚設計嘅樹屋等地方用餐，用餐地點只會受你嘅想像力限制！
JOALI Maldives 仲有自家農場，客人可以到 Chef’s garden 品嚐由農場出產製成嘅美食，新鮮、健康、美味！去之前記得要預約啊！
>> 想在馬爾代夫休養生息？冇問題！立即登入揀心水Resort!
JOALI 集團主張健康生活， JOALI Maldives 希望客人到訪時可以享受休閒同時，亦擁有健康生活。JOALI Spa by Espa 四周亞熱帶環境令人情緒放鬆，設有兩間位於水上嘅 VIP 房，其他房間都係喺沙灘上，如果想做泰式按摩，就可以喺沙灘上嘅亭子入面做。順帶一提呢度有一個土耳其球摩洛識式浴室係免費供住客使用，只要同管家預約就可以，但當然係自己服務自己，如果想有專業服務就要另外收費。
除咗水療，渡假村嘅健身中心都係一個放鬆身體嘅好地方。健身中心有駐場健身教練，設備可以講係新穎齊全，全部健身器材以木製，仲有個戶外地方俾客人做運動，極具特色。
健身中心旁邊有個畫廊，如果入住兩三日嘅朋友，可以到畫廊做一些畫作，離開時可以帶走。健身中心上面就有一個 departure lounge，裡面有一個小型圖書館，桌球及遊戲機設施，專門俾 check out 後未能有接駁交通離開酒店嘅客人喺度休息。
>> 想搵其他地點？立即登入 Travel Channel Hong Kong
小朋友客人嚟到 JOALI Maldives 亦必定唔會失望，因為呢度有個好大嘅 kids club，戶外區有好多玩樂設施，有大砲定期噴泡泡，無論大小朋友都玩得好開心，真係玩幾多日都唔夠！
JOALI Maldives 係一間適合家庭遊及蜜月遊嘅渡假酒店，整個小島嘅渡假氣氛好好，感覺親民熱鬧，而且服務亦到位，值得推薦俾家庭及新婚夫婦！
>> 立刻看看 獨家 JOALI Maldives 優惠
>> 去馬爾代夫，唔搵Travel Channel，你仲想搵邊個，即看超$特價！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記