出遊渡假無非想調整身心，好好休息後再重新出發，所以休閒養生假期越來越受現代都市人歡迎。
馬爾代夫首個以休閒養生為主題嘅渡假小島 JOALI BEING 於 2022 年 2 月開幕，藉著為每一位客人度身訂做嘅成績為本改造計劃，希望讓客人於假期後，可以帶著毫無負擔嘅身心靈回家，展開健康新生活！
JOALI BEING 位於 Raa 環礁上嘅 Bodufushi 小島，由馬累坐水上飛機入島只需要 40 分鐘。島上擁有 69 間私人 villa 及多元化嘅休閒養生設施，務求讓每一位住客都能體驗個人養生項目，整個休閒養生體驗主要圍繞四大養生支柱：心靈 ( mind )、皮膚 ( skin )、微生物群 ( microbiome ) 和活力 ( energy )。
> 去馬爾代夫，唔搵Travel Channel，你仲想搵邊個，即看超$特價！ (opens in a new tab)” rel=”noreferrer noopener” class=”rank-math-link”> >> 去馬爾代夫，唔搵Travel Channel，你仲想搵邊個，即看超$特價！
每一位客人到達渡假村前，都需要填一份有關個人生活習慣嘅問卷，讓酒店了解一下客人所需，包括喜歡邊類型枕頭及各樣用品嘅尺寸等。當客人一到達渡假村，個人養生顧問就會與客人進行一個深入嘅會診（全面生活習慣評估 lifestyle assessment )，包括用專業儀器為客人檢查身體，再了解客人嘅日常起居飲食，最後會設計一個融合傳統和現代方法嘅個人化養生項目。專業治療師仲會為客人介紹渡假村內針對客人身體毛病嘅有關療程及飲食，等客人可以於入住期間好好養生。
休閒養生體驗可以專注於一個特定範疇，例如耐力和活力、身心健康、平衡荷爾蒙、女性健康、消化系統和體重管理、促進康復嘅睡眠、活動及筋骨正位。
酒店嘅健康養生中心 Areka 利用科學療法，使用另類治療療法及一系列嘅健身設施，幫助客人擁有一個全方位嘅養生健康改造。Areka 擁有 39 間治療房，包括一間水療室、俄羅斯桑拿室、水中治療室、吸鹽室和土耳其浴室。
馬爾代夫 Top 1-Wellnness Resort – JOALI BEING ，快來看看喔！
Areka 內嘅 resting area 有濕蒸房，乾蒸房及冰房，就算無另外俾錢做治療或 spa 嘅客人，都可以享用呢三間房。
經過 resting area，就可以到達調茶嘅地方，出面亦有戶外座椅俾客人休息。再入就係吸鹽室，亦都係免費供客人享用。除咗以上提及嘅設施，其他治療室都係要收費。
我哋當然唔會浪費機會，試咗 90 分鐘嘅 signature spa treatment，三人一致好評！技師使用唔同嘅按摩油為身體唔同嘅部位按摩，而按摩油亦係針對渡假村養生四大支柱而選擇，整個療程令客人可以充分休息。
>> 馬爾代夫 Top 1-Wellnness Resort – JOALI BEING ，快來看看喔！
除咗 Areka，島上仲有一間草藥中心 Aktar，草藥師會以草藥、香料和精油幫助客人調整健康，有興趣嘅客人仲可以參加工作坊，認識草本茶，學吓自家製潤膚露，面膜和按摩油。
要令精神放鬆，客人可以試吓去 The Discovery Sound Path，呢條聲音步行徑內嘅唔同位置擺放咗 9 種樂器，讓客人可以感受音樂為身心帶來嘅放鬆。如果想更深入感受音樂療法，仲可以到 Seda sound therapy hall ，客人可以瞓上設有弦線嘅床上，感受弦線發出嘅聲音共鳴，從而放鬆精神。
Joali Being 嘅健身中心 Core 係全馬爾代夫最大，外觀設計富未來感，非常吸引，而內裡設備亦非常齊全，頂尖健身器材及健身教練隨時準備好為客人服務。
Core 內特設瑜珈房及一些富趣味性嘅電視遊戲運動，仲有 3 間做 fitness assessment 嘅房間，係一個讓客人展開鍛煉身體習慣嘅起點！另外，渡假村當然唔少得 diving centre 及 water sports centre。
Joali Being 嘅養生概念，除咗為客人提供鍛煉身心嘅機會，仲會為客人度身訂造營養餐飲，令假期既豐富又健康。JOALI BEING 注重烹飪藝術，承諾所有食材都係可以追索來源，務求為顧客提供本地收割及可持續供應嘅新鮮食材。渡假村內所供應嘅食物及飲品都係經過專業營養師調制，確保味道和營養都一樣高質，既健康又美味！
主餐廳 Flow 係一個開放式互動用餐空間，裏面有三個主題廚房：Plantae 專門供應素食，Su 為素食者供應海鮮，B’Well 主要供應 JOALI BEING 嘅特色餐食。
我哋於 Flow 用過早餐及晚餐，早餐係 semi buffet 形式，每款食物上都有標籤標明該食物對身體嘅好處，而單點就有班戟及窩夫等，果汁可以自取或者於餐牌上選擇。
Flow 嘅晚餐跟午餐一樣，美味健康，每道菜都好似一件藝術品，無論係視覺，嗅覺及味覺上都令人充滿驚喜。如果你自問唔係一個健康飲食者，到 Flow 用餐亦都唔會令你失望，因為呢度嘅健康食物唔係想像中咁乏味，反而係好吸引，你必定都會享受。
>> 想在馬爾代夫休養生息？冇問題！立即登入揀心水Resort!
另一間日落餐廳 Mojo 位於舒適嘅沙灘上，連接主泳池，主要供應午餐，裏面分成三個區域：用膳區、酒吧區及調茶區 “ SAI tea lounge ”。
客人可以喺 SAI tea lounge 品嚐各種調製飲料，調茶師會按客人要求，盡力調製客人喜愛嘅飲品。Mojo 嘅午餐質素非常高，擺盤十分精美，食物亦好好味！餐牌上每一道菜都有營養標籤，讓客人可以選擇適合自己身體嘅營養美食。
如果客人希望返到自己屋企，都可以持續享用 JOALI BEING 嘅養生烹飪藝術美食，就可以到 culinary learning centre，學習自己炮製像藝術品一樣嘅美食。
除咗剛才提及嘅兩間餐廳，渡假村內亦有 destination dining，例如可以到樹屋上享用私隱度極高嘅一頓午餐或晚餐。
>> 去馬爾代夫不想花冤枉錢？又想先睹為快？一定要看看峰旅Blog
JOALI BEING 嘅餐飲可說是美饌佳餚，而員工服務亦非常專業及周到，佢哋每一位都好清楚客人嘅名字，喜好及對飲食嘅特別要求。雖然餐廳員工為我哋預備食物時曾犯下小錯誤，但亦勇於認錯，送上朱古力誠意道歉，令客人覺得被受尊重。
作為一間豪華休閒養生渡假村，住宿設施當然都係高水準。
整個 JOALI 小島都係使用咗 Biophilic 建築原則，利用科學方法將大自然融合於酒店設計內，盡量減少酒店對大自然嘅影響，並加強島上嘅能源流動。沙灘屋和水上屋各有特色，今次我哋入住面積約 1200 呎嘅 Ocean Pool Villa。
Ocean Pool Villa 以開放式設計，特高樓底令空間感好強，以淺色為主調嘅室內裝修令室內感覺好光猛，而室內所有燈及窗簾都可以自動調教。全渡假村只有 villa 內設有 wi-fi，希望客人可以用餐及活動時專注休息養生。
一入 villa，左手邊係一個藍綠漸變色嘅 open bathroom，浴室設有備枕墊嘅浴缸及浴鹽，旁邊有衣帽間，備有浴衣，男女和服睡衣及可以着住於島上四圍走嘅舒適麻布衫。洗手間及沐浴間就係另外兩個房間內，房間設自動感應燈，非常細心。
主人床床頭面向印度洋，設有讓人感覺浪漫嘅網紗，網紗於開放式別墅內亦有間隔用途。床頭唔似一般酒店設有 usb 插頭，全因渡假村唔鼓勵客人在床上用電話，另一邊嘅層板上放有書、小遊戲、樂器及可偵察海洋狀況嘅 ipad（讓客人知道是否適合下海）、可攜式音響（可以拎出露台及浴室），而工作枱上就有個可以隨時聯絡到管家嘅電話。mini-bar 備有嘅飲品都係無糖嘅健康選擇，大多為茶類等飲料，入住時亦會送上一大盤水果及一支汽泡飲品。
Ocean Pool Villa 露台設有圓形韆鞦椅、吊椅、太陽椅及 C 型大梳化，最出更設有網床。直身泳池長度有 18 步，游泳池亦設有扶手及樓梯，方便上落。
如果一家大細嚟渡假，三房嘅 Wellbeing Beach Residence 就最適合，3500 呎嘅室內和戶外空間，除咗 360 度美景及無邊際泳池，仲有一個運動區。
細心留意，就會發現其實 villa 內部亦都係根據渡假村四大養生支柱而設計，例如主人房備有嘅頂級音響及枕頭，係想針對睡眠支柱，而 minibar 嘅健康小食就係針對微生物群支柱。
如果你都希望為自己計劃一個從健康養生馬爾代夫假期，JOALI BEING 就係你嘅選擇啦！
>> 立刻看看 JOALI BEING 優惠
>> 想找優惠？想升級Maldives Resort，獲更多Benefit? 即時登入！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記