馬爾大夫又有好介紹
位置優越嘅Lily Beach Resort & Spa屢獲國際獎項，曾經獲得Indian Ocean’s leading Family Resort，最近更獲得Tripadvisor Travelers’ choice投選All Inclusive Resort in Asia 2018 第二位，一睇就知Lily Beach係一間以all inclusive plan作賣點嘅family resort啦！
Lily Beach於2009年開業，喺馬累坐25分鐘水上飛機就到達，一直深受喜愛無憂無慮大玩特玩嘅朋友及家庭歡迎！
整間resort共有三間餐廳、三間酒吧，以及三個泳池，全部設施都好適合一家大細。
Resort嘅全包package都幾吸引，當中包括：主餐廳嘅早午晚三餐buffet、一餐fine dining (住4晚以上)、全部餐廳及酒吧嘅飲品包括80款由來自世界各地嘅酒類、每人兩個活動如出海釣魚及日落巡航，及其他fitness classes和kids’ club嘅各項活動等，包你一定唔會悶！
等我先介紹一下呢度嘅villa，基本房有Beach Villa同Lagoon Villa，呢兩種房間唔算好大都係700多呎。
我推介另一種大D嘅Deluxe Water Villa，佢嘅面積有1300呎!
最吸引我哋嘅就係一入門口就見到嘅超大玻璃地板，海底清澈可見，而因為呢塊玻璃地板喺正入門口位，左右兩邊分別係浴室及睡房，所以出出入入都會行過踩住，感覺十分新奇！
房間其他設施都齊全，露台有個按摩功能嘅泳池，而mini bar嘅小食飲品都係任食任飲，唔洗就住就住喇～
想住豪少少嘅就可以住Sunset Water Suite，佢哋位於jetty最出嗰幾間，有24小時私人管家服務，泳池比Deluxe Water Villa大一倍，房間裏面設計亦有D唔同，冇咗玻璃地板。
呢度嘅珊瑚區就係water villa周圍，所以基本上住水上屋的話一落水就已經係浮潛區，珊瑚豐富璀璨。
再講一下呢度嘅餐食：
主餐廳Lily Maa提供自助餐，一週七天每天都有不同主題，亦有一個kids’ corner提供小朋友喜愛嘅食物。
比較特別嘅係呢度有個龍蝦缸養龍蝦，保證客人可以食到最新鮮嘅龍蝦；另一個特別就係呢度有沖茶服務，龍井普洱水仙⋯啱曬我哋香港人！
想要多D新意，不妨幫襯主餐廳以外嘅幾間bar，呢三間bar都有提供午餐及下午茶單點，唔嚟食嘢都記得嚟飲嘢，因為酒店個all inclusive plan包埋㗎?
酒店設有活動室，裡面有桌球、乒乓球、衛星電視睇球賽⋯另外當然唔少得其他water sports啦！
如果嚟到嘅時候天氣不似預期，無得參加戶外活動，呢度都有烹調班同按摩班俾客人參加；
呢度仲有個幾特別嘅餵魚活動，每晚定時大量魔鬼魚同鯊魚都會喺大碼頭位置出現等開餐，一次過見到咁多我哋喺香港好少見嘅魚都真係幾開心！
除咗餵魚，呢度亦有個＂種樹＂活動，客人可以俾US60＂買＂一棵樹，酒店會附上一塊可以寫上字嘅小木板俾客人，客人寫好後就可以將小木板放喺棵樹下面，為今趟旅程做個紀念，都幾特別啊！
Lily Beach好適合喜歡別人為佢安排好一切嘅客人，乜都包曬真係幾好，不過老實說性價比就唔係好高，之但係如果你鍾意飲酒就另計喇，因為住幾晚你可以隨便試成80款酒，喺其他酒店條數都好襟計㗎?
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記