馬爾代夫咁多 all-inclusive 渡假酒店，花多眼亂，究竟邊間性價比高，又夠 super luxury，服務又貼心，食物又高質，令人讚不絕口？可稱為『暫時係史上最強的全包式Resort 』
我馬爾大夫唔親身去過，當然唔敢亂向大家推薦啦！今次我哋嚟到 Pullman Maldives，親身體驗呢間酒店有幾高質，慢慢向大家逐一介紹！
Pullman Maldives 係一間中型五星全包型渡假酒店，讓客人隨便吃喝玩樂，無憂無慮享受假期。渡假村內共有 122 間客房、3 間餐廳、3 間酒吧和 400 名員工。你預訂 Pullman 時俾嘅價錢，就已經包含入住渡假村期間嘅住宿、餐飲和活動費用！
Pullman 嘅全包套餐可謂馬爾代夫最闊綽嘅 all-inclusive 套餐，住客除咗可以到酒吧任飲，套餐亦無限制住客每日食幾多餐，只要你食得落，可以隨便任點，甚至可以食完一間餐廳再去另一間！如果你係吃貨一名，嚟 Pullman 渡假必定開心到飛起！
供應全天侯自助餐嘅主餐廳 Mélange 面向沙灘，設室內座位和池邊室外座位，6 個 cook station 為客人即時烹煮馬爾代夫菜、法國菜、阿拉伯菜、意大利菜、中菜和印度菜，另外仲設有水果和甜品站，食物選擇多之餘，亦非常新鮮美味；酒水選擇亦好豐富，客人可以於玻璃酒櫃慢慢揀，酒保更會先斟俾客人試飲，啱飲先點。
>> 香 港 Top 1 馬 爾 代 夫 package 快 搜 網
如果客人心目中有想食嘅食物但餐廳無擺放出嚟，都可以主動問廚師，佢哋會好樂意為客人預備，以滿足不同口味客人嘅需要，真係令我哋讚不絕口！
Mélange 旁邊就係 The Hub，呢間酒吧似一間迷你 disco，有 live band 駐場，係旅客嘅聚腳點。
黃昏時候嘅 evening cocktail 有免費水煙、小食、果汁、手工咖啡及芝士供應，好多人喺度飲杯嘢之後先食晚飯，如果主餐廳無開，The Hub 就係唯一供應食物嘅地方。
意大利餐廳 Souq Oven 供應午餐及晚餐，menu 上有前菜、主菜及甜品選擇，點餐數目無限制，客人可以任點，推介餐廳出品嘅新鮮烤焗 pizza。Souq Oven 嘅食物精緻，色香味俱全，仲有 80 款來自世界各地嘅餐酒選擇。Souq Oven 好受歡迎，記得要預訂啊！
想搵更低優惠？想 升 級 房 間，獲 更 多 Benefit? 即時登入!
素食餐廳 Phat Chameleon 位於有機菜園附近，係馬爾代夫第一間有機全素食餐廳，內設單點及開放式廚房現場烹調美食，更有 raw food，Phat Chameleon 只供應晚餐。想試下純素食嘅朋友可以到來一試，雖然味道未必人人都喜歡，但食物賞心悅目，如果之後食唔飽，都可以去返 Mélange 度繼續食自助餐。
Sunset bar Saffron Affair 係黃昏時份好去處，亦係打卡熱點，因為呢度有非常受歡迎嘅網床和桌球，可以和最愛於此認識新朋友。
去馬爾代夫，唔搵Travel Channel，你仲想搵邊個，即看超$特價
早上起床後，到擁有 infinity pool 嘅水上 cafe Sol Rising 食個充滿活力嘅早餐，迎來渡假嘅節奏，慢慢享受一個 good morning。
Pullman 嘅餐飲服務做得非常出色，服務周到，我哋唔想飲酒，水吧亦專誠為我哋整咗秘製鮮榨果汁，好欣賞佢哋 unscripted dining 嘅服務，唔係間間高級酒店都做到㗎！
Pullman 魅力之處又點止係餐飲服務，我哋入住嘅 villa 都好令人喜愛。
1600 呎嘅 Sunset Ocean Pool Villa 設計舒適休閒 (與 Ocean Pool Villa 設計一樣)。Villa 入口有一個連住露台嘅戶外空間，好有豪宅貴氣。
一打開大門就係客廳，房間樓底好高好闊，房間以較沉色嘅木和黃燈裝飾，晚上燈光雖然有啲暗，但感覺好暖和，襯托出蜜月嘅浪漫時刻。
大床面向大海，床後面係設行李架嘅衣帽間，床旁邊係梳化，大床與梳化中間特設玻璃地板，照著海嘅射燈會開到凌晨1點，讓住客晚上可以透過玻璃地板睇到海中嘅魚。電視對住梳化而唔係對住張床，但可以隨意拉出，方便客人於床上睇電視，唔睇嘅時候可以收埋，唔會擋住個海景，另外更備有以藍牙連接嘅 JBL 音響，非常方便。
浴室位於室外，非常通風，於戶外淋浴間沖涼感覺好舒服，唔會覺得好熱。露台設 7 米長伸出海嘅無邊際泳池及網床，喺度 hea 感覺真係好寫意。
想馬爾代夫之旅更與別不同，就一定要入住超級豪嘅 Aqua Villa。Aqua Villa 共有兩層，亮點當然就係位於印度洋嘅水底套房！
一入 Aqua Villa 好似與普通 Ocean Pool Villa 差唔多，右手邊出去就係露台，露台上嘅泳池比 ocean pool villa 大少少，浴室亦比較大。
沿著樓梯往下行就係水底套房，一落到去望到個大自然水族館，大家都嘩嘩聲！渡假村於海底種咗好多珊瑚，吸引咗好多魚聚集，從水底套房嘅 270 度玻璃窗望出去，會見到好多魚游來游去，我哋入住時就見到雞泡魚、神仙魚、吞拿魚、魔鬼魚、黑鰭鯊及護士鯊，於晚上開吓燈睇魚，感覺真係非常特別新奇，無論大人小朋友都一定好開心！
去馬爾代夫不想花冤枉錢？又想先睹為快？一定要看看峰旅Blog
Aqua Villa 一共可以招待 2 大 1 小 1 幼兒或 3 位大人，一家人一齊享受幾天寧靜海底假期，既特別又難忘！
Pullman 嘅活動設施同美食一樣咁豐富。
喜歡健身嘅朋友，Pullman 會令你驚喜。FIT TRAIL 善用島上自然環境，以 bootcamp 形式讓你與其他住客一齊運動，活力滿瀉。仲有一向受女士歡迎嘅 Zumba、空中瑜珈、水上瑜伽、日出日落瑜伽和健身室。
想參與球類活動，呢度都有沙灘排球、網球、模擬哥爾夫球和桌球。喜歡靜態活動嘅朋友，卡拉ok 就係你嘅必然之選！呢度居然有齊你想唱嘅廣東歌，來到可以同朋友一展歌喉。
Pullman 附近水域嘅海洋生態非常出衆，雖然呢度珊瑚礁唔係特別多，但有好多海草，海草多即係代表水質好，吸引咗好多海龜同魔鬼魚游過嚟，入住期間我哋都經常遇見魔鬼魚及海龜呢！
Pullman Maldives 確係一間性價比超高嘅五星級全包渡假酒店，四周全方位綠化環境，寧靜休閒，無論食玩住都咁令人滿意！
如果你打算嚟馬爾代夫無後顧之憂與最愛享受浪漫假期，又或者帶埋小朋友任玩任食過一個歡樂親子假期，Pullman Maldives 必定可以滿足你嘅要求！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記