COMO Cocoa Island 係享受馬爾代夫健康假期之理想渡假小島！
COMO Cocoa Island 位於南馬累環礁，從馬累到達非常快捷，只需要坐 40 分鐘快艇即可到達，整個快艇船程非常順暢，一上船就聞到 Cocoa Island 獨特嘅香味，正式開始我哋隱世小島天堂養生之旅~
去馬爾代夫，唔搵Travel Channel，你仲想搵邊個，即看超$特價！
未到達小島之前，已經知道呢度一帶水域有好多海洋生物，鯊魚、海龜、八爪魚和海參都係常客，所以我哋都好期待。一踏上小島，就有一種遠離煩囂嘅感覺，呢個傳統馬爾代夫小島其實已經有二十年歷史，但 2019 年整個小島開始翻新，用咗 1 年左右時間，將渡假村外貌及設施升級之同時，仍然保留住原始小島風情。
Cocoa Island 嘅 33 間 water villa 外型都係依照馬爾代夫傳統木刻漁船 dhoni boat 而設計，呢個小島嘅水上屋只有四間有泳池，沒有設 beach villa。
今次我哋入住咗兩間唔同類型嘅 Villa，首先為大家介紹嘅係 Dhoni Loft Water Villa，面積約有 1200 呎。
想找更低優惠？想升級房間，獲更多Benefit? 即時登入！
呢間 Villa 外型根本就係一隻 dhoni 漁船，入住呢間 villa就好似係一隻船上渡一樣會，好有特色。內部設計比起大部分馬爾代夫嘅 water villa 特別，因為佢將主人房設於閣樓，而睡床亦比 king size bed 再大少少，房間亦設有趟簾以保持私隱度。
下層大廳嘅樓底特別高，設有一張小型飯枱，感覺好寬敞舒適。Villa 內雖然冇泳池，但露台景觀都十分開揚，唔游泳池就不如直接落大海游水。
另一種類型 villa 就係入門版嘅 Dhoni Water Villa，面積800呎，設計簡潔俐落。
King size大床面向海，落一小級就放置咗大梳化床及電視，行出去就係露台。
Dhoni Water Villa 面積較 Dhoni Loft Water Villa 細，但如果夫婦二人入住其實都已經足夠，絕對唔會覺得唔夠空間。
如果你帶同小朋友一家人嚟家庭遊，可以選擇入住設泳池之 Two-bedroom Water Villa with Pool，呢間 villa 空間感十足，可供 4 位大人和 2 位小朋友入住，帶埋父母和小朋友嚟享受天倫樂，絕對冇問題。
Cocoa Island 小島上只有 1 間餐廳 UFAA，不過，大家千祈唔好以為酒店嘅食物無咩睇頭，其實 COMO 集團非常重視客人渡假時嘅用餐體驗，因此佢哋專誠為客人設計一套健康飲食餐單 COMO Shambhala Cuisine，希望使用含豐富活酵素、維他命和海洋礦物質之有機生食，幫助客人增強能量和養生。
UFAA 主打印度及地中海菜式，其他食物種類仲包括泰式、日式和越式等，重點放在本地捕捉海上鮮和自家農場出產，每道菜式都非常精緻吸引，就算食 4 日都唔會覺得悶！
早餐為 semi-buffet，食物種類唔算多，但勝在全部賣相及味道都好吸引，例如即叫即做嘅窩夫及特別新鮮嘅精緻水果。
每晚晚餐之 Special Menu 設有 9 道菜，每道菜都好有份量，色香味俱全！
去馬爾代夫不想花冤枉錢？又想先睹為快？一定要看看峰旅Blog
COMO Shambhala 其實係一個得獎嘅健康養生概念，由酒店集團自己研發，目的係推廣健康生活，Cocoa Island 上之 COMO Shambhala Retreat，讓尋求健康嘅客人透過療程和活動，達致身心靈健康。
兩層高之 COMO Shambhala Retreat 嘅設施包括 4 個按摩亭子，瑜珈亭、普拉提設施、全新健身室和戶外水療泳池，環境予人私隱寧靜之感。
其實 Cocoa Island 呢個小島多年來都以璀璨珊瑚礁而聞名，三個 house reef 係潛水熱點，海洋生物種類非常多，係世界上數一數二嘅潛水勝地。
酒店員工每日都會清理海面上嘅海草，以確保水質清澈。喜歡海洋嘅朋友，嚟到 Cocoa Island 可以跟住diving centre 職員出海追蹤鯨鯊、海龜和到海豚棲息地觀海豚，絕對係一個難忘嘅體驗。
Cocoa Island 可算係一個十全十美嘅渡假小島，雖然表面睇落好似冇乜特別，但只要你喺度住過，就會感受到呢個小島真係一個可以讓你遠離煩囂嘅世外桃源！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記