極致奢華渡假村 The Nautilus Private Island Maldives 賦予旅客一個自主空間，鼓勵他們與最愛嘅同伴一齊塑造屬於自己嘅馬爾代夫假期。
The Nautilus (鸚鵡螺私人島) 嘅低調波希米亞奢華小島體驗，喺我哋到達馬累機場就已經開始，所有安排都係極致奢華！當其他渡假村嘅旅客都喺入境大堂與酒店招待會面，但 The Nautilus 私人島嘅豪華房車喺我哋落機時已經等緊我哋，準備接我哋到 VIP lounge，而酒店職員就會為我哋辦理水上飛機 check-in 手續及處理寄艙行李，整個過程完全唔洗我哋自己去處理，我哋只係輕鬆咁坐低享用飲品和小食，準備好心情享受 The Nautilus 馬爾代夫旅程！
35 分鐘水上飛機程好快就完結，飛機降落喺附近停機坪，我哋就轉 2-3 分鐘小型豪華遊艇去酒店島。如果你想再豪華一啲，仲可以選擇乘坐私人豪華水上飛機，每架私人飛機只有 8 個座位，所以一定要預訂啊！
The Nautilus 是屬於私人島，服務上絕對傲美比得起那些具知名度高的私人小島級，島主有 50 年經營馬爾代夫酒店經驗，擁有好多酒店，清楚知道高貴客人很多時侯都需要低調；但不失奢華要求。The Nautilus Private Island係島主嘅最後大師級的遺作(他的 Master piece) ，所以將來喺馬爾代夫唔會再有類似嘅新酒店出現。
到達酒店島後，我哋唔需要去接待處 check in，直接跟住私人管家坐 buggy 去今次入住嘅 Ocean House。酒店只有12間水上屋，包括 8 間 Ocean House，2 間 Residence 及 2 間 Retreat，最基本嘅房間 Ocean House 面積 3000 呎左右，全屋主要以曲型線條設計，格調溫馨，感覺好似返到自己屋企一樣。
Ocean House 屋頂外鋪上茅草，樓底好高，內有一個設有玻璃地板嘅大廳，大廳內有梳化、小餐枱、mini bar 及升降電視櫃，兩道門就分別係通往露台及主人房。主人房內有一個大 mini bar（包水及三支 soft drinks），咖啡選擇多，英式茶具及熱水煲等都係名牌產品，顯得格外高貴。
面向露台嘅 king size bed 前方放咗一張超舒適嘅皇帝椅，床後就有可以放入兩個大行李嘅空間，房內仲有三個大櫃，分別擺放咗和服及拖鞋、酒店嘅大袋和救生衣夾萬等，另外一個就係俾客人放自己嘅衣服，整個主人房嘅空間好大，唔需要擔心行李會阻到活動空間。
浴室內設有大浴缸，附上海鹽及絲瓜肉擦，牙膏牙刷漱口水亦齊備，淋浴區及廁所都係玻璃幕牆，令浴室採光度十足。
Ocean House 嘅露台面積大，有 king size 大型吊床、太陽椅、餐枱、太陽傘及鸚鵡螺形狀設計嘅恆溫泳池，池底仲有點點星光，夜晚游水一定好靚👍 如果想有 in-room breakfast 或 floating breakfast，酒店亦都可以安排。
>> 想找更低優惠？想升級房間，獲更多 Benefit? 即時登入！
如果一家四口到訪，可以選擇入住比 Ocean House 大嘅 Ocean Residence。Ocean Residence 內無咗 mini bar，但多咗一個 pantry 及一張圓形餐枱，泳池亦比較大，適合三大一小家庭。
於 The Nautilus 小島上，時間並不重要，無論你想幾時用餐，都無所限制，連用餐地點都係任君選擇，想喺床上或私人泳池旁享用美食亦可以。
小島上一共有 3 間餐廳及 2 間酒吧，供應地中海菜、亞拉伯菜、拉丁美洲菜、日本菜及世界各地菜，雖然餐廳都有列出所供應食物嘅餐牌，但餐牌只係為客人提供餐飲主意，完全唔係限制客人嘅口味，換言之，即係你想食乜，只要於到達酒店前幾日通知廚師，佢哋就會盡量做到，無論係珍珠奶茶、雞蛋仔、碗仔翅 … 佢哋都會盡量為客人預備。
而 The Nautilus 亦係馬爾代夫唯一一間受 Relais & Châteaux 認證嘅酒店，Relais & Châteaux 係一個由超過 580 間地標酒店及餐廳運作嘅非牟利聯盟，以追求美感體驗的精緻服務為要旨，受認證嘅餐廳和酒店都肯定係高質素。經過我哋親身試味，餐廳質素果然係超班，注重餐飲質素嘅朋友完全可以放心。
The Nautilus 嘅營運理念係由客人作出發點，呢度任何一個時刻都係特定為個別客人而設：私人管家 House Masters 喺我哋到達前就已經詢問咗我哋嘅餐飲喜好和枕頭選擇等，所以，適合我哋穿戴嘅浴袍睡拖及浮潛裝備喺我哋到達時已經準備好，十分細心體貼！
>> 去馬爾代夫不想花冤枉錢？又想先睹為快？一定要看看峰旅 Blog
The Nautilus 位於 Baa 環礁，小島得天獨厚，house reef 近在咫尺，ocean house 一游出去就到，海洋生物種類亦包羅萬有，有一家魔鬼魚亦住喺島內，我哋喺自己水上屋內嘅廁所都見到佢哋游過，非常有趣！島上不乏水上及休閒活動：星空私人影院、24 小時開放的 gym room、網球場、排球場 …
渡假村亦已經為小朋友安排一系列適合嘅活動，除咗享受陽光與海灘，小朋友仲可以參加各式各樣活動。
>> 想在馬爾代夫休養生息？冇問題！立即登入揀心水 Resort!
位於水上嘅 Solasta Spa 擁有 3 間玻璃地板嘅私人房間，我哋亦都試咗呢度嘅 Spa 服務，技師邀請入按摩房後就會同客人傾計，再介紹適合嘅天然有機按摩油，亦預留充裕時間俾客人換衫，最重要係按摩時間一定足夠，1 小時按摩服務通常都會 1 小時 15 分鐘先完結，確保客人一定享受到足夠按摩時間 😍 而按摩床亦可以自動升降，我哋三個人都非常享受，覺得 Spa 嘅服務質素好高。
The Nautilus 裡嘅所有人都十分熱情，無論係員工抑或客人，見面都會互相打招呼，完全無階層觀念 👍 到 The Nautilus 渡假嘅客人都喜歡低調享受假期，好多客人都非富則貴，我哋都有幸同某國王子一齊食飯，佢都好友善好親民，完全無架子！
管理層亦時常出嚟同客人打招呼，了解客人需要，佢哋非常著重客人嘅私隱度，我哋入住 4 日 3 夜期間，感覺就好似係島上唯一嘅客人一樣，十分輕鬆自在。
如果你想隨著自己嘅步伐，低調地享受奢華馬爾代夫假期，The Nautilus 十分適合你！
>> 立刻看看 獨家 The Nautilus 優惠
>> 去馬爾代夫，唔搵Travel Channel，你仲想搵邊個，即看超$特價！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記