響往充滿活力，自由自在馬爾代夫假期嘅朋友，Cora Cora Maldives 就係你嘅必然之選！
我哋由馬累坐 40 分鐘水上飛機嚟到 Cora Cora，一上到島就被活潑歡樂氣氛吸引，四周色彩繽紛，十分符合招待世界各地旅客嘅服務宗旨！酒店員工送上歡迎飲品和飾物，再辦好 check in 手續後，我哋就到今次入住嘅 Lagoon Villa 放低行李，四圍參觀吓間房。
我哋今次入住嘅 Lagoon Villa 面積 800 呎左右，藍色主色配上茅草屋頂，雖然露台無泳池，但露台都有雙人圓形太陽椅，太陽傘及餐枱。如果想 villa 內有泳池，可以選擇 Lagoon Pool Villa，間隔同 Lagoon Villa 一模一樣，但露台就多咗一個泳池。
酒店嘅設計都唔錯，Lagoon Pool Villa 同 Lagoon Villa 梅花間竹排列，唔會話冇泳池嘅 villa 景觀比較差。房間內擺設整潔，king size 主人床面向印度洋，另設有梳化及一張小書枱。
Cora Cora 係一間提供 Premium All-inclusive 全包式服務嘅酒店，所以 villa 內 mini bar 嘅飲品小食都係免費，每朝會 refill 一次。
Cora Cora 嘅每間 villa 內都以獨特畫作裝飾，感覺生氣勃勃，另設有衣帽間，mini bar 和雙洗面盤，方便女仕裝扮。從衣帽間通過門就可以出去開放式浴室，浴室設有浴缸及網床，感覺非常開揚，浸浴時可欣賞印度洋美景，如果想保持私隱，可以將窗簾拉下。除咗浴缸，浴室仲有室內淋浴區。
如果想入住面積較大嘅水上屋，可以選擇面積約 1500 呎嘅 Duplex Lagoon Pool Villa。兩層高嘅 villa 既可以讓你近距離接觸印度洋，又可以從較高角度欣賞海景。
主人房設於上層，亦有梳化及書枱，下層就設有一個小廳，浴室及露台。
>> 去馬爾代夫不找Travel Channel是你的損失喔！快來看看吧！
帶住小朋友入住 Cora Cora 嘅朋友，全酒店只有一間嘅 Two bedroom Lagoon Pool Villa with Slide 就係首選啦！兩層高嘅 Villa 有差不多 2500 呎，可以入住最多六位大人，非常舒適，直接落海嘅滑梯仲好好玩！
雖然全渡假村嘅水上屋都叫 Lagoon Villa，但其實水上屋有一邊係面向環礁湖( lagoon )，一邊面向印度洋大海，而珊瑚礁亦在水上屋附近，下海浮潛睇魚非常輕鬆方便，不過其實要睇魔鬼魚亦唔需要落水，喺水上屋亦都可以清楚見到佢哋游過。
Cora Cora 係一間提供 Premium All-inclusive 嘅全包式服務酒店，所以渡假村內任何餐廳消費都已經包含在房價內。渡假村5間餐廳提供嘅食物好全面，主要為亞洲菜及意大利菜。如果你係素食者，或有低糖低鹽等特別飲食要求，可以預先同酒店提出，佢哋亦可以安排到。
>> 去馬爾代夫，唔搵Travel Channel，你仲想搵邊個，即看超$特價！
1）Tazaa 主餐廳
提供早、午、晚餐，設有室內及室外座位。自助早餐嘅食物分類整齊，午餐及晚餐以單點為主，我哋試過自助早餐及午餐嘅漢堡包及炸魚薯條，質素高，所有食物味道都好好。
2）Ginger Moon（晚餐）
設有開放式廚房，供應亞洲菜，於 Ginger Moon 可以食到星、馬、泰、越式食物，新鮮美味，質素係所有餐廳最高。
3）Acquapazza ( 午餐，晚餐及酒吧 )
呢間意大利餐廳及 Beach Club 連接 Tazaa 主餐廳，提供各式各樣酒水，客人可以喺池邊及沙灘上輕鬆用餐，係午餐熱門之選，長期都逼滿客人。Acquapazza 嘅 pizza 餅底係預先一日發酵，鬆軟美味。
4) Teien庭園（晚餐）
想食壽司及魚生等日本菜，可以到呢間日式餐廳。只要額外付 USD 36，就可以享用三個 set 嘅鐵板燒，但每天只有 10 個位，所以記得預先訂位。
5）My Coffee ( 全日開放）
My Coffee open bar 供應高質咖啡，咖啡來自非洲和智利等地方，再經自家烘焙及調製，另外仲有供應珍珠奶茶、各式茶飲、酒類（除了cocktail 及 mocktail）、健康小食如 energy ball 及三文治、無糖雪糕、Gelato 及 sorbet 等等。
My Coffee 設有唔同座位俾客人坐低慢慢享受悠閒，晚上有 DJ 打碟，氣氛好好，係一個非常舒適休閒嘅聯誼角落。
一個充滿歡樂氣氛嘅小島，當然唔少得玩樂設施。酒店所有設施都非常集中，都係兩分鐘步行距離之內，十分方便！
水底音樂泳池
渡假村內嘅主泳池係一個全馬爾代夫唯一嘅水底音樂泳池。
3-12 歲嘅小朋友必定要到 Cora Kids Club 度盡興一番，可以參加專業嘅團隊為佢哋安排嘅節目，而大人就可以趁機去 spa 及 gym 享受一些 me-time。
Spa 一共有 7 個房間，4 間係水上房間，Premium All-inclusive 套餐已經包括 45 分鐘按摩，客人可以選擇按頭/肩/背及腳/腳底兩個部位
雖然唔係全身按摩，但於 45 分鐘專注按兩個部位，反而可以有足夠時間放鬆特別需要嘅肌肉，唔會太趕。
溫馨提示，客人記得一定要早少少到 spa centre 填表，因為按摩服務會準時開始，如果遲到係唔會補時。至於 gym 就係 24 小時開放，gym room 外有個 boxing 沙包。
雖然酒店島唔大，但設施一應俱全！除咗以上提及嘅設施，仲有好多水上活動，足球機及桌球，拖尾沙灘上可以設置沙灘影院；更令人出乎意料之外，就係酒店設有嘅自家農場，廚師可以就地取材，選取最新鮮食材炮製美食予客人。
900 年
唔講唔知，Cora Cora 坐落嘅小島接待遊客已經超過 900 年，喺島上可以搵到一個500 年前嘅紀念碑和兩個有 900 年歷史嘅廟宇儲水池，仲有一間 120 年歷史嘅傳統馬爾代夫房屋，遊客可以參觀到以前馬爾代夫人住嘅地方。
想了解多啲馬爾代夫歷史，更可以到島上全馬爾代夫唯一受認證嘅 Museum of Island Heritage 欣賞馬爾代夫其他小島嘅 400 多件文物展品。
Cora Cora 嘅員工包括管理層都好友善，感覺到佢哋好落力為客人服務。
泳池出面嘅沙灘周不時都會舉行 management cocktail，管理人員會出嚟與客人閒談
如果有客人嚟渡假係慶祝蜜月或週年紀念等紀念日，經理都會喺呢個雞尾酒會公開恭喜客人，氣氛歡樂熱鬧！
想有個歡樂和充滿活力嘅馬爾代夫假期，又想認識新朋友，Cora Cora 就可以滿足你嘅要求！
>> 立刻看看Cora Cora Maldives優惠
>> 想找優惠？想升級Maldives Resort，獲更多Benefit? 即時登入！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記