馬爾大夫又有好介紹
馬爾代夫酒店集團Atmosphere Hotels & Resorts 打造嘅集團第五間酒店，4星級Varu By Atmosphere於2019年10月正式開幕，為各地旅客提供多一個無顧慮全包型享受馬爾代夫嘅新選擇！
Varu By Atmosphere希望透過酒店服務，向客人展現大自然富足嘅供應及馬爾代夫人嘅頑強生命力，讓客人感受馬爾代夫異國風情????????酒店屬於一個中型人工島，距離馬累只有40分鐘船程，島上植物剛剛開始生長，環境雖然未及天然島一樣綠樹林陰，不過環顧四周一樣開揚優美！
108間villa當中分別有69間water villas及39間beach villas，water villas分佈於三條jetty上，有部分附設泳池。
Varu係一間提供Premium All-Inclusive Package嘅酒店，客人俾一個價錢就可以享用住宿，餐飲及玩樂服務，與其他Atmosphere酒店一樣，性價比高，等我逐一介紹比較突出嘅項目，先由餐飲開始。
Varu一共有四間餐廳及兩間酒吧，全包套餐可讓客人自由選擇到自己喜歡嘅餐廳。
– 主餐廳Lime & Chili位於沙灘邊，設卡位，於馬爾代夫都好少見。餐廳供應早午晚自助餐，我哋全部都試過。食物款式多，有獨立生果吧、冷盤、熱葷，燒烤及甜品區，尤其冷盤及飲品做得出色，都幾啱香港人口味。一般酒店餐廳早午餐都唔會供應燒烤，但Lime & Chili嘅燒烤區從早餐到晚餐都供應燒烤食物，豬牛海鮮都有，味道都唔錯，以4星新落成嘅酒店嚟講，我會覺得Lime & Chili做得恰到好處。
– 地中海料理Nu位於水上屋嘅jetty上，餐廳以類似羅馬柱裝飾設計，環境幾靚，可以影到靚相????餐廳食物賣相好，我哋試咗前菜海鮮湯及bay lobster琵琶蝦、燒龍蝦尾，意大利飯及墨汁蜆肉意粉，大致都可以，最好味係個燒龍蝦尾及琵琶蝦，以同級數酒店比較，好少全包型酒店會有龍蝦食，淨係呢點已經令人驚喜，加上餐廳對客人晚餐點餐數目無限制，仲可以揀煮法，醬汁及配菜，所以總括嚟講Nu嘅食物質素係值回票價！服務方面未算成熟，因為酒店仲好新，不過呢點一定好快可以改善。溫馨提示，喺度用餐應該需要持voucher入座，第一日check-in時記得請員工安排。
– Charcoal位於pool bar旁邊，一睇個名就知係食炭燒食物。每逢星期二及六，Charcoal於午餐時段都供應’Bay Rouge Lunch’，而酒店其他餐廳都唔會開，所以我哋都有一日喺度試過午餐
– 最後一間餐廳Kaage未開，未能評價
– Pool Bar面向正西方，擁有無敵日落景，主泳池係下午暢泳享受日光浴及黃昏時分休憩欣賞日落最佳地方，客人可以無限量點飲品，待應仲會為每位客人送上一客豐富下午茶，令人喜出望外，喺度消磨一個下午，正式嘆世界！
除咗飲飲食食，Varu嘅玩樂設施都幾多元化。馬爾代夫嘅酒店一般都會免費提供非摩打推動嘅水上活動，好似獨木舟及直立板等，Varu當然唔例外，另外仲有幾個吹氣水上滑梯及彈床放咗喺water sports centre對出海面上，最啱鍾意刺激好玩玩兒嘅客人，我哋都玩咗，因為水淺，所以就算唔太屬水性嘅朋友都可以盡情狂歡！
女士想靜靜享受一下，可以到設有水上房間嘅spa centre放鬆身心。
All-inclusive package都包出海浮潛活動，客人可以於入住期間無限次參加snorkelling tour出海睇魚，如果入住4晚以上，酒店仲會包一次日落海釣或海上巡航????????所以入住得Varu，一定唔怕悶。
有D朋友去渡假，鍾意留喺房間，無拘無束乜都唔諗盡情叉電，Varu嘅villa都可以滿足呢類型客人。
面積1000呎嘅Water Villa整潔企理，備有每日補充兩次嘅獨立酒櫃及mini-bar，落地鏡趟門分隔浴室及睡房，感覺明亮；浴室貼近出露台摺門位置放咗浴缸，浸浴時可欣賞海景。露台面積大，有梳化，餐枱及兩張設計特別嘅太陽椅。
酒店設計有一半水上屋係可以睇到日落，而且villa內有mini-bar，留喺度享受美酒美景令人壓力全消！
設計與Water Villa一樣嘅Water Villa with Pool於露台多咗一個10平方米嘅泳池，泳池內有位置可以躺平休息。呢邊嘅海偏深，Villa對出海面建有防浪堤，如果落水最好著救生衣。
如果你希望到馬爾代夫渡假入住新酒店，但又唔想一邊玩一邊擔心洗費太多，無論係蜜月旅行抑或合家歡渡假，揀性價比高嘅Varu By Atmosphere就好適合，保證你有個歡樂滿分嘅馬爾代夫假期！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記