豪華雅緻嘅五星級酒店The St. Regis Maldives Vommuli Resort於2016年11月開幕，歡迎世界各地嘅旅客嚟探索馬爾代夫！
呢間歡迎任何年齡嘅resort裝飾精緻優雅，服務亦出名細心。今次我哋三個飛過去，由馬累轉45分鐘水上飛機直達酒店島上嘅水上飛機停泊處，唔洗再轉快艇??
由喺馬累落機開始，我哋已經感受到酒店嘅貼心服務，職員揸架名貴房車Benny嚟接我哋去水上飛機VIP Lounge等上機，喺lounge度職員話要同我哋影張相⋯最初覺得好奇怪點解職員要為我哋影相？之後就問我哋到酒店後想飲乜welcome drink，原來佢即刻將張相send俾酒店職員，我哋到埗後佢哋就可以奉上各人所選嘅飲品，真係超級細心?
到達酒店後，我哋就直接入房間，職員喺房間同我哋check in，介紹我哋知房間各樣設施。酒店有操多種語言嘅職員，又有管家服務，只要同管家提出，佢就可以幫你安排一切活動，例如浮潛裝備、單車同tour~
嚟到發現呢度真係好適合嚟渡假，因為房間內設備都係用iPad 智能控制，電視、音響丶窗簾丶冷氣等，而且iPad 入面仲有曬酒店嘅設施同活動資料，真係好方便！
我哋今次住Overwater villa with pool，房間間格清晰，大廳同睡房平排，一齊對住個180度無敵大海景!
馬爾代夫酒店好少有嘅55吋LCD大電視放喺大廳同睡房中間，仲有出色嘅音響同個甜品櫃用嚟放朱古力，隨時食都咁好味～
而浴室亦都非常寬敞，有大浴缸喺窗邊，亦有淋浴間及衣帽間，感覺豪華！
villa露台超大，有個大泳池，仲有5張網床添，可以攤喺度欣賞日出或日落！
順帶一提，酒店共有35間overwater villas，其中14間係日落景觀，21間係日出景觀，早起床嘅朋友當然記得揀日出景觀房間，因為睇日落可以去餐廳睇嘛?
喜歡私穩度高D嘅朋友選擇喺酒店島中央位置嘅日落景Garden villa就最好喇，villa配備吊床同韆鞦，喺度瞓個晏覺就最正啦！
另外仲有beach villa，私人沙灘出面就係青翠碧綠嘅潟湖，一落水就到靚靚珊瑚區，唔怕要游好耐先睇到珊瑚。酒店仲有其他適合大家庭嘅family villa同beach suite，兩者都係兩房兩層式設計。
酒店飲食配套全面，一共有四間餐廳+一間bar，等我逐間介紹吓：
1）Alba主餐廳：裝修豪華高雅嘅意大利餐廳，面向印度洋及主泳池，提供自助早餐丶單點午餐及晚餐，食物選擇多（包括小朋友餐食及素菜），賣相吸引
2）Orientale泛亞餐廳：座落於沙灘邊，提供多種亞洲美食如印度咖哩丶日本壽司丶韓國菜丶中國菜如四川菜，廣東菜等⋯特別推介呢度嘅龍蝦蝦餃，我第一次食用龍蝦做餡料嘅蝦餃，又鮮又爽，正！
3）Cargo 地中海餐廳：位於沙灘上椰林中，最出色嘅主菜就係配上自家製醬汁及香料嘅鷹嘴豆泥
4）Crust 輕食餐廳：於主池旁嘅悠閒餐廳，提供pizza丶三文治丶小食，鮮果汁及啤酒
5）鯨魚bar：外型設計似鯨魚張開大嘴巴嘅美式酒吧，有DJ打碟，氣氛充滿活力，對住日落方向，感覺relax
酒店內嘅活動除咗tennis、水上活動丶浮潛丶gym同yoga外，仲有兒童天地同24小時遊戲室，裡面有乒乓波同board games等，咁多嘢玩一定唔會悶～
呀，仲有個環境優美、建於水上嘅spa，每間半開放式嘅spa房都配備個jacuzzi，面對著大海丶迎著海風，真係嘆到暈！
服務細心周到嘅酒店仲有個休息區專供已check out嘅住客使用，等水上飛機期間可以喺度沖個涼丶睇吓電影同雜誌，又一以顧客至上嘅安排??
想知道更多詳情，不妨到http://www.travelchannel.com.hk睇吓！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記