馬爾大夫又有好介紹
Mercure Hotels嘅酒店遍佈全球，品質一定有保證，今次我介紹嘅Mercure Maldives Kooddoo Resort剛剛今年9月1日先正式開幕，我馬爾大夫當然要率先親身試吓呢間全新酒店，將好嘢介紹俾大家?
Mercure Maldives Kooddoo Resort位於馬爾代夫南部，比較接近赤道，比起馬爾代夫其他地方，呢度相對少雨水，呢點好重要㗎，去旅行最緊要緊係天氣好啦！天氣好丶心情好！
要嚟呢度，我哋首先要喺馬累轉內陸機，今次轉機真係零捨不同，因Mercure有佢哋專屬嘅VIP lounge，由呢度開始你就可以嘆，舒舒服服等上機。
內陸機程55分鐘，到達Kooddoo島後等咗一陣酒店職員，之後佢就開架buggy嚟車我哋去check in，3、4分鐘左右就到front desk啦。酒店又新又靚，我哋都急不及待周圍去參觀！
酒店總共有68間villa，其中43間係water villa（水上屋），另外25間就係beach villa（沙灘屋）。
一到埗第一樣吸引我嘅就係呢個同印度洋連成一線嘅infinity pool！
泳池對正出面嘅water villa，個池又大又靚，最啱想游水鍛練嘅朋友，我見到都想跳落去呀！
之後我哋就極速去睇房?房間一共分5種：
1）附泳池beach villa 2) 不附泳池beach villa 3) 附泳池日落water villa 4)不附泳池日落water villa 5) 不附泳池日出water villa
呢5種房間都同樣有700-800呎，首先介紹吓beach villa啦～
我哋參觀咗beach pool villa，我個人認為住beach villa梗係要揀間有泳池嘅，朝早起身游吓浸吓之後沖完涼先出去食早餐，唔洗下下走出去main pool又返房沖涼，行來行去⋯
房間空間雖然唔係話超大，不過兩個人入住一定唔會覺得迫；至於房間嘅設計都好stylish，選用嘅傢具都可以突顯馬爾代夫嘅文化，提供嘅物品當然亦一應俱全，而浴室就相對地大，浴缸同淋浴間都唔喺浴室內， 所以要有心理準備沖涼係會比較開放少少?
至於我highly recommend嘅就當然係water pool villa啦??附泳池嘅water villa一定係面向西方，所以住客欣賞到嘅一定係日落景。
呢間villa嘅外貌同內部裝潢與beach villa大同小異，不過個景觀就相差好遠喇，三面落地玻璃對住嘅就係一望無際嘅印度洋，個view真係好靚，仲見到水平線添，喺呢個泳池游水真係心曠神怡D！
如果你希望喺房間睇到日出，你就要捨棄個私人泳池，因為日出water villa一定係不附泳池 !
冇咗個泳池其實都唔緊要，可以直接落海同D魚一齊?泳，呢間酒店被大範圍嘅環礁包圍，基本上一落海就可以浮潛睇魚㗎喇～
夜晚都想睇吓魚？住呢度無問題！因為水上屋房間內茶几位置嘅地板特別換成玻璃俾住客喺房內睇吓魚，酒店亦好細心咁喺呢D位種植咗D珊湖，夜晚仲會有燈射向珊湖，吸引D魚游過嚟，最啱小朋友?
順帶一提，水上屋嘅浴缸就喺浴室入面，但係淋浴間就係浴室外面，同沙灘屋設計有少少唔同！
另外要話你知，呢間酒店嘅package係all-inclusive，即是你俾嘅價錢除房間外，一日三餐加埋房間內每日都refill嘅mini bar小食都已經包埋，唔洗成日計住D錢，玩都玩得盡興D！
酒店有兩間餐廳以及一間pool bar：
1）ALITA: 望泳池景的主餐廳，有兩層，地下食早餐和buffet，樓上單點a la carte menu，二選一，今晚buffet明天單點一樣無問題
2）VISTAS: 可看無敵日落海景嘅舒適餐廳，提供a la carte menu供選擇。餐廳內有張美式桌球枱及水上網床，食飽飽可以輕鬆玩一下
3）pool bar: all-inclusive package亦包括pool bar提供嘅各種飲品，紅酒白酒汽水果汁都是免費任飲
酒店設施當然都唔會比其他酒店輸蝕，gym room, yoga同spa一定唔少得，而且個spa有室外亦有室內，你喜歡喺邊度嘆都得；鍾意打tennis嘅朋友都可以喺馬爾代夫一顯身手?呢度仲有個頗大嘅kids club，小朋友嚟到一定開心死啦！
除咗以上活動設施，酒店亦免費提供其他非摩打推動嘅水上活動如浮潛和獨木舟等?? 酒店經理話酒店附近一帶海域出名多海豚同鯊魚bb，推介我哋去join dolphin tour，我哋睇睇個價目表，呢度嘅sunset dolphin tour只需要US60，比起其他酒店平成20-30%，既然係咁就唔好錯過呢個機會去追吓海豚啦！
除咗我哋，都幾多其他住客參加，最後我哋當然有追到海豚啦，經理果然冇介紹錯??如果你對海豚無乜興趣，你可以淨係參加sunset tour，價錢平好多，只係US30左右，難得嚟到印度洋，出海暢遊吓真係唔錯㗎?
Mercure Maldives Kooddoo Resort雖然唔係馬爾代夫內最豪華最正嘅酒店，不過佢嘅設施同所提供嘅服務一定係超過一般水準，而且酒店係全新，呢期仲有promotion，我馬爾大夫就大力推介，快D到http://www.travelchannel.com.hk了解詳情啦！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記