Pulse Resort 酒店集團旗下的又一出眾傑作，全新全包式 All Inclusive 酒店 Nova Maldives 於馬爾代夫開幕啦！
Nova Maldives 與極致奢華嘅 The Nautilus 及潮人目的地 Kandima 屬同一酒店集團，旅客只要付一個價錢，就可以於渡假村內免再付費享受大多數嘅服務，唔需要再為酒店消費而煩惱，可以忘形咁玩！
>> 去馬爾代夫，唔搵Travel Channel，你仲想搵邊個，即看超$特價！
Nova 位於 South Ari 環礁，係全年都可以見到鯨鯊嘅唯一一個地方，40 分鐘船程內可以到達附近嘅 30 個著名潛點，係水上活動愛好者嘅最愛目的地！
要到訪 Nova 十分方便，只要喺馬累坐 25 分鐘水上飛機，再接駁 5 分鐘傳統多尼船(Dhoni) 就可以到達，一到埗就可以感受到當地傳統文化，十分難得！今次我地好特別；酒店專程派出 The Nautilus 專屬水上飛機( 2022年5月份去 The Nautilius 坐唔到；今次補番數) 送我地入Nova Maldives.
Nova 時尚簡約，歡迎愛侶、家庭、一班好友，甚至一人旅客，雖然渡假村內無 kids club 及托兒服務，但所有其他設施都歡迎家庭入住。
Nova 一共有 76 間 villa，分別有 beach villa 及 water Villa，今次我哋主要為大家介紹 Water Villa with Private Jacuzzi。
Villa 面積約 1500 呎，位於露台上嘅特大按摩池唔多酒店有，按摩池景觀一流，而且力度十足，令人好想全日喺度放鬆休息！
如果對按摩無咩興趣嘅朋友都唔洗擔心，因為酒店另設有 Water Villa with Private Pool （不過真係唔錯）及 Water Villa，仲有適合四人家庭入住嘅 Family Beach Villa，供唔同要求嘅客人選擇。
Villa 內以白色作主調，燈光非常柔和，令人感覺好溫暖，就好似返到自己屋企一樣咁舒服！
一入去就係一個好闊落嘅衣帽間，放置行李嘅位置充足；而書枱就在床後面，但亦都係向海。房間連接住浴室，浴室亦連接住衣帽間，villa 內空間暢通無阻。
Villa 嘅設備亦追上潮流，特別設有type-c 插頭及 LED 輕觸式屏幕鏡 👍🏼 Nova 嘅 villa 既舒適又先進，作為客人都冇咩可以挑剔。
Nova 設有三間餐廳和兩間酒吧，雖然食物花款唔太多，但食物質素有保證，每樣食物都簡而精，每樣食物都令人滿意。餐廳嘅服務都唔錯，除咗侍應生記得我哋個名，廚師亦好好，食自助餐時都會出嚟問客人對食物滿唔滿意，之後仲同客人傾偈，希望盡量滿足客人飲食要求，可見酒店嘅服務都係以客人為先，盡力為客人創造一個滿意假期。
1）SOUL KITCHEN 主餐廳
供應自助餐，食物都係選自世界各地新鮮嘅食材，餐廳環境光猛休閒，客人可以面向住印度洋用餐。
2）FLAMES
FLAMES 為時尚 fine dining 餐廳，供應美味燒烤食物，如本地海鮮和燒烤肉類。
3）MIZU
MIZU 為水上的鐵板燒餐廳，供應獨特主題菜色，客人可以吃到新鮮亞洲和海洋嘅味道。
4）WINK 主酒吧
喜歡飲酒嘅朋友來到 WINK 酒吧，試試呢度嘅手工雞尾酒和薄脆 pizza，下午來享受悠閒時光，晚上又可以再來跟著 DJ 音樂放鬆起舞，酒吧隊 band 見到我哋係香港人，仲唱廣東歌添，感覺非常親切！
適逢世界盃，酒吧亦搭咗個戲院營幕一樣大嘅投射大螢幕直播球賽，氣氛熱鬧歡樂！
5）SOLIS 泳池酒吧
到 SOLIS 點一杯鮮榨排毒果汁，坐下享受亞熱帶風情。
想找更低優惠？想升級房間，獲更多Benefit? 即時登入！
除咗餐廳及酒吧，渡假村內嘅設施都十分齊備。
Eskape Spa 使用高級有機產品，為客人提供喚醒身心嘅水療服務。客人以全包套餐入住，可以免費享用 45 分鐘嘅 spa 療程。Eskape Spa 嘅服務跟餐廳一樣以客人為先，我哋遲到咗 15 分鐘先到達水療中心，大部分嘅酒店都唔會補時，心諗填完表只會得返 30 分鐘做療程，但技師好好，依然為我哋做足 45 分鐘療程，作為客人完全感受到酒店嘅真誠服務態度，讚！
對於放假都唔待薄肌肉嘅朋友來說，24 小時無休嘅健身室 Muscle 就係最愛之地！Muscle 配備多種新款健身器械，讓客人可以於印度洋上鍛鍊身體。
想同家人或朋友一齊參加活動玩吓，渡假村內都有唔少好玩活動，例如乒乓球、足球機桌球、排球、羽毛球和水上活動。特別一提，小島附近珊瑚礁豐富，只需要游出少少就會見到好多魚，喜歡浮潛嘅客人都讚不絕口！
只有來到 Nova Maldives 呢個小島，你就可以隨心所欲，享受最簡單的奢華，過一個令心靈滿足的馬爾代夫假期！
>> 立刻看看 Nova Maldives 優惠
>> 想找更低優惠？想升級房間，獲更多Benefit? 即時登入！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記