Siyam World (禧亞世嘉) 是馬爾代夫唯一一家，所有水上别墅均帶滑梯和私人泳池的酒店。入住酒店即享受WOW一價全包餐型，可在不同餐廳與酒吧享用餐食和無限量酒水
暢遊馬爾代夫，幾時都係揀一間全包式渡假村最令人玩得放心又開心！
屬於 Sun Siyam Resorts 旗下嘅 Siyam World 係一間全新嘅 24 小時全包式渡假村。Sun Siyam Resorts 酒店集團於馬爾代夫一共有 5 間渡假村，今次為大家介紹嘅 Siyam World 為旅客 24 小時不停送上驚喜，WOW! Inclusive Plan 全包套餐承諾讓旅客無後顧之憂地享受一個應有盡有嘅 5 星小島假期，旅客可無分時限品嚐島上各種美食和參加各式各樣精彩活動，當中包括印度洋最大漂浮水上樂園，聽到都覺得興奮，以下就為大家逐一介紹！
Siyam World 係一個超大型嘅全天然渡假小島，渡假村內一共有 469 間個房間、10 間餐廳、7 間酒吧及 1000 名員工，淨係聽到數字都已經估計到小島嘅面積有幾大！要到 Sun Siyam 渡假一啲都唔複雜，只要坐 45 分鐘水上飛機或 30 分鐘內陸機+ 15 分鐘快艇就可到達。因為 Sun Siyam Resorts 呢個酒店集團都幾大，佢哋有集團專屬嘅水上飛機，但係坐唔坐到就真係講彩數。
今次我哋坐水上飛機直接到 Siyam World，整個過程都好順利。我哋一落水上飛機踏進 Siyam World，就已經感受到大型渡假村嘅氣勢，平時我哋 check-in 根本唔會需要排隊，但因為今次有三隻水上飛機同時到達，旅客落機後都需要排一陣隊等 check-in。雖然話旅客比較多，但絕對唔需要擔心渡假村內四處人頭湧湧，因為 Sun Siyam 作為馬爾代夫最大渡假島之一，面積之大令渡假村嘅設施及到訪嘅旅客都唔會太集中，我哋入住期間，都唔覺得周圍人山人海玩得唔暢快，由此可見旅客其實都分散於小島唔同地方享受假期，大家都可以玩到自己喜歡嘅活動。
去馬爾代夫，唔搵Travel Channel，你仲想搵邊個，即看超$特價！
Siyam World 嘅客房多達 469 間，當中包括 18 種不同房間類別，除咗沙灘屋 (beach villa/ beach house/ beach residence) 之外，所有水上屋 (共 5 種) 都設有直入印度洋嘅滑水梯，無論你同另一半嚟渡假抑或一家大細，呢條滑水梯都能令你哋嘅假期充滿笑聲！我哋當然有親身試過條滑梯，雖然佢唔係好長，但都有速度有驚喜，安全又好玩，千萬唔好錯過！
今次我哋入住可住兩大兩小嘅 2 bedroom lagoon villa with pool+slide（約 1600 呎）。lagoon villa with pool+slide 係渡假村入門級嘅水上屋，我哋住嘅 2-bedroom 其實就係將兩間 Lagoon villa with pool+slide 以同一個露台相連，所以兩間 villa 嘅住客都可以通過露台走到對方嘅 villa，露台就成為兩間 Villa 嘅共享空間，大家可以於露台一齊食嘢傾計休息，呢個特色可謂馬爾代夫嘅唯一。
Lagoon villa 內採光度高，白綠配色柔和，感覺明亮舒適。而床頭係向海，浴缸就在床後，感覺特別私隱。房間內設兩個洗手盤，方便住客（尤其女士）化妝扮靚，房務員工執房亦好細心，佢哋幫我哋女同事放於洗手盆邊嘅化妝品逐一排好，將洗手盆打理得十分乾淨整潔。WOW! Inclusive Plan 全包套餐已包含 Villa 內嘅 minibar（每天 refill），半夜肚餓都無需要擔心。
要知道更多親子酒店，不妨與我們的Travel Advisor 聯絡，了解更多吧！
2 bedroom lagoon villa with pool+slide 十分適合家庭入住，因為空間及露台夠大，如果家庭有更多成員或想一大班好友嚟渡假，都可以選擇 3 bedroom lagoon villa with pool+slide，空間更大。
除咗 lagoon villa，如果只有夫婦二人入住，可以選擇 Water villa with pool+slide 或者 Ocean villa with pool+slide，Ocean villa with pool+slide 可以同時欣賞到環礁湖和印度洋景色，但所處位置嘅海洋比較深水，為安全起見，不接待小朋友入住。
Siyam World 嘅 10 間餐廳及 7 間酒吧提供嘅食物種類超多，菜式包括國際菜式、西班牙菜、泰菜、日本菜和印度菜等，WOW! Inclusive Plan 全包套餐已經包括旅客上島到離開小島嘅所有餐食，但每一餐都只可以到一間餐廳用膳，唔可以食完一間轉頭又過去另一間，如果食多咗就要自己額外再俾錢。10 間餐廳會因應酒店嘅入住率而提供服務，未必成日都 10 間開曬，但客人可以於出發前預先下載餐廳手機程式，預訂想食嘅餐廳，就可以確保食到喜歡嘅菜式。
主餐廳 Tempo 提供全天候自助餐，無論你幾點入住渡假村，都可以即時過去食嘢。另一間自助餐廳 Baraabaru 唔一定會成日開，如果冇開就可以到 Tempo 食。
我哋試過 Takrai 泰式餐廳，味道一般，如果唔係特別太喜歡食泰菜，可以選其他餐廳。Shipwrecked 供應 pizza，份量大，味道唔錯。
The Wahoo Grill 主要供應海鮮及燒烤，很受旅客歡迎，要早啲預訂。
想平過其他在線網站？立即登入Maldives.TravelChannl.com.hk 搜尋網站
另一間十分受歡迎嘅餐廳就係 Jungali pool bar，位於好似亞馬遜嘅熱帶叢林，係影靚相熱點，旅客都好鍾意入去享受氣氛。Kulhivaru 係一間 24/7 嘅酒吧，24 小時不停直播體育節目，差唔多全部體育台都齊，啤酒小食亦齊備。
想找更低優惠？想升級房間，獲更多Benefit? 即時登入！
位於離島大堂旁嘅沙灘酒吧 Good Vibrations 氣氛輕鬆，旅客可以於離開時喺度點餐，然後拎住上機都無問題。
以上介紹嘅餐廳，除咗 Tempo 及 Baraabaru 係供應自助餐，其他都係供應 3-course a-la-carte，如果擔心唔夠飽，建議可以去返食自助餐，或者出發前好好安排自己嘅餐食，到時就萬無一失啦！
Siyam World 小島活動空間咁大，要由一個點到另一個點，如果只係步行，實在無乜可能，所以渡假村內設有巴士讓旅客乘坐，全個小島共有 11 個以不同國家命名嘅巴士站，每個巴士站都設電子屏幕顯示 6 架巴士嘅位置，方便旅客預算等候時間。我哋試過有時等巴士都要差唔多 15 分鐘，估計因為巴士數目比較少，所以要等咁耐。如果想自由一啲，可以租用單車（US15/日）或吉普車（US360/日），就唔洗受巴士時間限制。
去馬爾代夫，唔搵Travel Channel，你仲想搵邊個，即看超$特價！
來 Siyam World 渡假，差唔多想玩乜都有，活動多不勝數。一般水上和陸上活動如獨木舟、瑜伽、網球、足球、羽毛球、排球、乒乓球、桌球等，設施都保養得好好，無論個球場定球網都好新淨。渡假村亦做好多推廣足球運動嘅工作，如邀請球星到來擔任馬爾代夫 U18 青訓工作，入住嘅13歲以下小客人更可一齊參與 1-2 堂訓練體驗👍🏼
Siyam World 除咗有馬爾代夫最大嘅漂浮水上樂園，仲有馬爾代夫唯一一隻Seabreacher，Seabreacher 係一隻可以跳過浪、潛入水、甚至於水面 360 度橫滾嘅半潛水艇，好受旅客歡迎。
去馬爾代夫 Maldives，唔搵Travel Channel，你仲想搵邊個，即看超$特價！
渡假村亦有小朋友最愛嘅動物園，內裡都養咗唔少動物，我哋見到有鴨仔、孔雀等，加上小島本身都有 200 幾隻原居民貓貓，而家動物園仲擴建緊，相信會有更多動物陸續遷入，變得更加熱鬧有趣。另外，喜歡騎馬嘅朋友，嚟到馬爾代夫都可以大展身手！島上有4隻馬匹，其中一隻仲係非常罕有嘅白馬，旅客可以騎馬到沙灘影靚相，喺馬爾代夫真係好難得。
去馬爾代夫 Maldives，唔搵Travel Channel，你仲想搵邊個，即看超$特價！
如果與年紀較小嘅幼兒同行，可以帶佢哋去 Kidz World，裡面嘅活動比較靜態，但對年較細嘅幼兒就會好有趣。
去馬爾代夫 Maldives，唔搵Travel Channel，你仲想搵邊個，即看超$特價！
除咗以上提到嘅多姿多彩活動，其實渡假村內都有好多打卡位，淨係 Mint Bar 裡面嘅 infinity pool 就已經魅力十足，要影靚相易如反掌。
講咗咁耐，其實都講唔晒Siyam World 有幾多嘢俾旅客探索。如果你都好渴望同愛侶、家人、甚至知己好友過一個充滿無窮歡樂嘅好玩馬爾代夫假期，Siyam World 係你嘅不二之選！
去馬爾代夫不想花冤枉錢？又想先睹為快？一定要看看峰旅Blog
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記