新酒店捧場客又有新目的地喇；喺Jawakara 的 Dheru島上，浪漫活動應有盡有，你肯定會留下一生難忘嘅回憶
全新 5 星 luxury 渡假酒店 Jawakara Islands Maldives 剛於 2023 年 10 月隆重登場！馬爾代夫有新酒店開業，我馬爾大夫又點可以唔第一時間親臨參觀，為大家搶先報道！
Jawakara Islands Maldives 與十分受旅客歡迎嘅 Hurawalhi 及 Kagi 屬於同一間 Crown Champa Resorts 集團，位於距離馬累 40 分鐘水上飛機程嘅 Lhaviyani 環礁，呢一帶水域海洋生物豐富，平靜休閒，非常適合放空休息。
Jawakara Islands 由兩個島組成，大島 Mabin 與小島 Dheru 由一條 650 米長嘅橋連接，兩個島嶼嘅功能都有些少唔同。
Mabin 大島充滿活力及派對氣氛，適合一家大細渡假；Dheru 小島寧靜休閒，比較適合浪漫假期，客人當然可以於兩個島嶼自由出入，“One Destination, Double the Fun”。
兩個島嶼一共有 290 間 villa，其中有 202 間在 Mabin 大島，兩邊嘅 villa 設計大致相同，我哋今次就入住咗 Mabin Water Pool Villas。
Mabin Water Pool Villas
全新水上屋走簡約摩登路線，室內以深色木材裝潢，浴室簡單佈置不設浴缸，露台設私人泳池。
講真間 Villa 就無咩特別，但 Villa 外面嘅景色先係重點，嚟休息渡假嘅客人享受自然環境都會覺得快樂滿足。
如果幾個家庭一齊嚟開心渡假，呢度都有 Two/Three Bedroom Villa（沙灘屋），大人小朋友聚埋一齊玩，零舍開心！
如果來渡蜜月，夫婦愛侶可以選擇到入住 Dheru 小島，嗰邊只有 88 間 Villa，會比較寧靜。
想找更抵優惠？想升級房間，獲更多Benefit? 即時登入！
無論你住大島定小島，都可以到兩個島上嘅餐廳用餐，更可以到姊妹酒店 Hurawalhi 嘅水底餐廳用餐。Premium All-inclusive 包括大島小島上共 8 間餐廳及各式各樣嘅酒水。不過，由於今次我哋到訪時酒店仍然於 pre-opening 階段，入住率只有 20%，所以有啲餐廳未有營業，我哋要下次到訪試可以試到。
入住Jawakara Resort, 一樣可以去 UnnderSea 5.8餐廳架
Mabin 大島餐廳
大島上有兩間自助餐廳及兩間單點餐廳：
SAIMA 及 AILAS 供應早午晚自助餐，設有室內及戶外座位，亦當然有現場 cooking station。食物貫徹酒店集團餐飲水準，唔需要擔心。
唔搵Travel Channel，你仲想搵邊個，即看超$特價！
一家大小一定會喜歡供應高檔國際快餐美食嘅 HIDEOUT，客人可以眺望綠油油美景享用美味漢堡和三文治，舒舒服服休閒食一餐。
單點餐廳 MOLO 供應地中海菜式，但今次我哋嚟到就未開業。
Mabin 上都有三間酒吧，無論係想寧靜欣賞日落美景，定或晚上睇吓表演/狂歡輕鬆一下，三間酒吧都可以滿足到你。
Dheru 小島餐廳
小島上都有自助餐廳及單點餐廳，VELA 供應 ‘all you can eat’ 早午晚自助餐。位於平靜潟湖上嘅 UMI 海就主打亞洲美食，呢間餐廳嘅景色真係馬爾代夫難得一見，全海景一望無際，與最愛於此享用美景美食，浪漫難忘！
Jawakara Islands Maldives 於馬爾代夫係一間大型渡假酒店，雖然兩個小島加埋面積大，但酒店內嘅設施全部都好就腳，要四圍去完全無問題，住客除咗可以 call buggy，仲可以自己踩單車，好方便好寫意！
酒店設施完善
作為一間既招待蜜月旅客，又歡迎一家大細嘅渡假酒店，Jawakara Islands 嘅設施當然應有盡有，尤其 Mabin 大島就專為運動發燒友而設：兩個無邊際泳池、水上活動中心、潛水中心、海景健身室、羽毛球場、足球場、遊戲室和即將面世九個洞嘅哥爾夫球場….
唔搵Travel Channel，你仲想搵邊個，即看超$特價！
仲有渡假酒店唔少得嘅 JAWA KIDS CLUB 及 SULHA SPA。
Jawakara Islands 位於嘅潟湖非常大，而且風平浪靜，非常適合水上活動。雖然酒店嘅珊瑚礁唔突出，但酒店設浮潛導賞，帶旅客去遠啲嘅地方欣賞海底世界，不過其實我哋都喺酒店見到海龜及魔鬼魚呢！
今次到訪未有機會體驗酒店所有設施及服務，但我哋都好享受今次入住 Jawakara Islands 嘅體驗❣️整體來說，呢間酒店服務令人印象深刻，我哋到訪時酒店只營業咗 6 天，大缺職員，但我哋遇到嘅每位職員都好真誠，盡力貼心令客人滿意👍🏼
Jawakara Islands 嘅 Premium All-inclusive package 更會為每位客人送上 30 分鐘 spa 療程、每天一次 sunset cruise 及每天兩次浮潛導賞。
我可以大膽講：Jawakara Islands 要成為一間受歡迎嘅渡假酒店，指日可待！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記