Hilton 集團旗下嘅第 4 間渡假酒店 Hilton Amingiri Resort & Spa 於 2022 年中開幕！今次我馬爾大夫到訪，親身體驗過酒店各項設施與服務。雖然酒店定位於 premium 級別，但服務質素相對已係 luxury 級別，大家對 Hilton Amingiri 都非常滿意！
Hilton Amingiri Resort & Spa 位於距離馬累 20 分鐘船程嘅熱帶小島，小島雖然並非天然島，但綠化工作做得非常好，所以島上除咗綠樹林蔭，仲花團錦簇，與蔚藍天空與碧綠印度洋互相襯托，環境美不勝收！
整個小島擁有 109 間 villa，一半為水上屋，另一半為沙灘屋。今次我哋到訪時，因為酒店入住率爆燈，所以住唔到 water villa，入住咗令人驚喜嘅 One Bedroom Beach Pool Villa。
入門級別 One Bedroom Beach Pool Villa 加配 half board meal plan，即包括早餐及晚餐。約 1500 平方呎嘅 villa 門口有一大片種滿鮮花嘅花園，未入去已經覺得心曠神怡。
Villa 全落地玻璃牆採光度十足，加上樓底好高，大床對住無敵大海景，又望到綠草、藍天碧海，感覺好開揚。室內設計揉合馬爾代夫傳統手工藝和現代風格，傢俬多以藤製，雖然傳統但又不失摩登感，而且亦貫徹咗酒店推行環保及可持續發展嘅理念，拒絕塑膠。房間內設備先進，擁有無線叉電及高質量藍牙音響。對枕頭有要求嘅朋友亦可以預先揀定喜歡嘅睡枕，例如羽絨枕、記憶棉枕、u 型枕等等，讓你渡假都可以有家一樣嘅感覺。
Villa 設計四通八達，所有地方都有隨意門互通，唔需要兜路，非常善用空間。我最喜歡被叢林包圍嘅戶外淋浴區，令人感覺沖涼就好似同大自然融合，壓力全消，而且花灑力度非常足夠，令我十分享受沐浴時間！浴室五金配件及浴室用品亦非常講究，全部用同一品牌及系列，感覺高級、整齊企理。Villa 另一個細心位，就係浴室設空調（唔係間間馬爾代夫酒店都有），令到女士化妝都舒服啲，唔會大汗淋漓！
露台上嘅 L 型泳池及一張吊起嘅睡床都同其他酒店與別不同，坐喺露台吹下海風都可以 hea 一個下午！
Hilton Amingiri 嘅 beach villa 規劃細心，5-10 間 villa 共享一個私人沙灘，所以一個沙灘除咗隔離 villa 嘅住客使用外，唔會有其他人使用，小島上亦有其他海灘供公眾人士使用，所以 beach villa 嘅私隱度為可說是極致奢華！
走到水屋橋去參觀 water villa，感覺有啲似日本小巷。Water villa 外同樣有一個小花叢，就好似日式小花園一樣。
要知道更多親子酒店，不妨與我們的Travel Advisor 聯絡，了解更多吧！
大門可以直通露台，從趟門刷卡就可以直入主人房。Water villa 內裏佈局跟 beach villa 一樣，只係浴室嘅位置唔同，從海上游完水可以直接去淋浴，沖乾淨先入睡房。
Water Villa 整體感覺非常時尚，地板用料骨子，設計都係為用家考慮，細心體貼。
如果同家人來渡假，可以選擇供家庭入住嘅 two-bedroom villa；帶著一位幼兒就可以選擇 1-bedroom villa，Amingiri 裡嘅 villa 設計都非常適合蜜月夫婦及家庭旅客。
Amingiri 嘅食物性價比高，四間餐廳滿足唔同客人嘅口味。
Habitat 係主餐廳，高樓底及開放式廚房設計令呢間海邊餐廳充滿生氣，係用早餐嘅好地方。自助早餐食物選擇多，包括西式菜、亞洲菜、意大利菜等，包羅萬有。餐廳更有兩間冷氣房供怕熱嘅客人入去用餐。
Habitat 亦係晚餐好地方，餐廳對住日落景色，係打卡必到之處（Habitat 不供應午餐）。
Aura Pool Bar & Cocktail Lab 係供應午餐嘅主餐廳，位於泳池旁邊，供應新鮮健康西式美食，如沙律、生蠔、意粉、漢堡包等。
Aura 嘅特別之處係設有一個 Cocktail Lab 雞尾酒實驗室，為客人提供馬爾代夫唯一一個有趣嘅雞尾酒體驗。Cocktail Lab 內有很多先進儀器，將雞尾酒釀於酒桶內研究，希望釀製出與別不同嘅新酒。Wine pairing 大家都有聽過，呢度更有 Cocktail pairing，感覺新穎！
除此之外，酒保亦將賣唔曬嘅紅酒用機器提鍊成白蘭地，這個做法既新穎又環保。雖然 cocktail lab 內嘅活動係額外收費，但對於喜愛酒品嘅朋友嚟講，實在係一個新奇體驗，值得一試！
另外仲有一間 Beach Shack，供應午餐及晚餐，有 pizza、steak、海鮮等，喺度可以赤腳用餐，休閒舒適。
最後一間係 fine dining 嘅浪漫水上餐廳 Origin，精緻菜單選擇多，有手工意粉、美味海鮮、高質扒類和素食選擇。
去馬爾代夫不想花冤枉錢？又想先睹為快？一定要看看峰旅Blog
除咗以上餐廳外，酒店亦設有一個品茶室 Sip Tea Lounge，裏面放咗好多來自不同國家嘅茶葉，最適合喜歡品茶養生嘅朋友。
每間餐廳都設有網床，除咗有安全網作用之外，亦係客人享受印度洋美景嘅特級設施。
渡假村活動豐富，一般嘅設施例如 spa center、gym room、diving centre、water sports centre、足球、網球、排球等都一應俱全。
開 24/7 嘅 Gym room 景觀一流，cardio 器材全部放在落地玻璃前，客人可以一邊欣賞無敵海景一邊做運動。Gym room 設有桑拿及沐浴間，配套完善。門口亦放有無線藍牙耳機及保溫杯供客人使用，更提供 nuts 及蘋果，讓客人可以隨時補充體力。
香 港 Top 1 馬 爾 代 夫 package 快 搜 網
Spa & Wellness 位於另一個角落，設有水療中心、salon、土耳其浴及專為5-18歲小客人而設嘅水療套餐 Young Zen，照顧周到。
Kids club 為小朋友準備好每天不同之探險活動、手工製作和遊戲，室內設有彈彈床及供幼兒睡覺嘅休息區，室外更設有一個 4-12 歲小朋友專用大泳池，而 4 歲以下幼兒就有一個小嬉水池。
不妨與我們「Travel Advisor」 聯絡，了解更多吧！
專為年輕客人而設嘅 Re:Fuel lounge，讓年青人於獨有嘅空間享受休閒。Kids club 共有六位精通 11 種不同語言嘅職員，，亦設托兒服務，媽媽爸爸大可以放心放低小朋友，自己休息一下。
另外要介紹一下酒店嘅一個特別活動：潛入水底拍美人魚照。潛水教練會教客人擺 pose，拍海底美人魚照，非常有趣，鍾意影靚相嘅朋友記得參加。其他小型活動設施都設於 Aura 餐廳內，例如桌球及多款木製 board game，包括大富翁。
Hilton Amingiri 非常適合蜜月夫婦，亦適合家庭旅客，只需要坐快艇入島，方便快捷。食物整體都高質，而且生態環境好好，入住 water villa 已經會見到好多魚。
來 Hilton Amingiri 渡假，保證你會樂而忘返！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記