位於馬累環礁上嘅 OBLU SELECT LOBIGILI 係 Atmosphere 集團嘅第二間渡假酒店，於 2022 年初先正式開幕。馬爾代夫語 ‘Lobi’ 解作愛，‘Gili’ 解作小島，所以 ‘LOBIGILI’ 就係充滿愛嘅小島。
從馬累坐船到達 LOBIGILI 渡假小島只需要 15 分鐘，我哋上到酒店島時，已過咗早餐時間，但酒店服務周到，都安排咗我哋於冷氣開放嘅主餐廳享用輕量早餐，唔使我哋又餓又熱等午餐 👍
LOBIGILI 內一共有三間餐廳，另有一間餐廳位於姊妹酒店 OBLU XPERIENCE Ailafushi 內，LOBIGILI 客人都可以過去嗰邊用餐。
主餐廳 Ylang-Ylang 供應單點早餐及午餐，都有輕食如漢堡包及 pizza。
而晚餐則可以無限任叫任食，我哋每人都叫咗三個前菜及主菜，而且仲包酒水，非常豐富，餐廳職員服務亦非常專業，態度親切友善，大家都食得好開心及好滿足！
喜歡食咖哩嘅朋友亦必定感到驚喜，因為餐廳有一個現場印度咖喱部，有印度廚師現場煮咖喱，雖然係印度廚師煮嘅咖喱，但味道亦迎合到我哋香港人，好欣賞！
>> All Inclusive 最強馬爾代夫酒店攻略，一定有你心水酒店
The Swing Bar 泳池酒吧全日開放，每日下午 4-6 時供應馬爾代夫當地新鮮小食。
>> 想找更低優惠？想升級房間，獲更多Benefit? 即時登入！
另外一間酒店嘅重點餐廳，就係水底餐廳 Only BLU Under Ocean Restaurant，只要你於酒店住超過四晚，就可以免費於水底餐廳享用一餐。
Only BLU 性價比好高，食物質素好，事實上，LOBIGILI 嘅餐飲服務都好值得讚賞，所有員工都好友善，笑容真誠，客人可以好自在舒適地享用餐飲服務，整體用餐體驗都令人感到滿意！
>> 去馬爾代夫不想花冤枉錢？又想先睹為快？一定要看看峰旅Blog
介紹完嘅餐飲，當然就係要介紹住宿服務。LOBIGILI 一共有 68 間別墅屋，我哋今次分別入住咗 SunNest Beach Pool Villa 及 SunNest Water Pool Villa，兩種別墅屋嘅內部設計一模一樣。
別墅屋麻雀雖小，五臟俱全，裝修擺設現代舒適，有點地中海風，mini-bar 免費供應飲品小食，每天都會補充。
SunNest Beach Pool Villa 設有私人沙灘及泳池 。
而 SunNest Water Pool Villa 望出去為全海景，三面窗都可以打開，透光度非常高，更設有玻璃地板及 daybed，開放式浴室設有石製浴缸，旁邊亦有網床及強勁風扇。
750 呎嘅水上屋其實有分日落房 SunNest Water Pool Villa 及日出房 Nest Water Villa，前者設泳池及日落海景，後者為觀日出海景，不設泳池。如果喜歡浮潛，水上屋對出其實已經係珊瑚區，珊瑚生長得非常茂密，質素優良，必定能滿足浮潛愛好者。
LOBIGILI 係一間只招待成人嘅渡假酒店，所以酒店內沒有任何兒童設施，但水上活動設施都一應俱全，免費提供非機動水上活動及浮潛裝備，每位顧客都可以免費參加浮潛導賞及日落釣魚各一次！如果喜歡深潛，現階段就要坐 30 分鐘快艇到酒店外島進行活動。
除咗水上活動，酒店亦有一間水上健身中心，健身中心面積大而且器材新，教練可算係馬爾代夫內數一數二最專業嘅一批。
>> 想在馬爾代夫休養生息？冇問題！立即登入揀心水Resort!
ELE|NA Spa 走環保路線，一入去就聽到潺潺流水聲，與一般馬爾代夫酒店嘅 spa 截然不同。Spa centre 入面有 4 個房間，所有 spa treatment 都係以馬爾代夫出產嘅天然產品為客人服務，入住酒店 4 晚或以上，就可以免費享用一次 45 分鐘嘅 spa 服務。
你可能睇到，LOBIGILI 有好多免費提供嘅服務，餐飲服務亦無提及價錢，全因酒店為客人設計咗一個全包套餐 The Lobi Plan™，所以客人只需要付一個價錢購買全包套餐，就可以享受住宿，餐飲及活動服務，唔需要為酒店內嘅項目收費而擔心超出預算，享受真正無憂無慮輕鬆馬爾代夫假期。
如果你係第一次到馬爾代夫渡假，預算有限，就可以試試性價比高嘅 OBLU SELECT LOBIGILI，都一樣可以享受一個夢寐以求嘅馬爾代夫浪漫假期！
>> 立刻看看 Fabulous 系列 優惠
>> 去馬爾代夫，你唔搵Travel Channel，仲想搵邊個，即看超$特價！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記