Kagi Maldives Spa Island 位於一個小型島上，非常寧靜休閒，從馬累坐 60 分鐘快艇就到達酒店島，坐水上飛機就更快，只需要 15 分鐘。
Kagi Maldives 致力向客人推動享受健康生活，只招待 12 歲以上嘅客人，希望客人到來享受一個寧靜、休閒、健康馬爾代夫假期！
酒店外形與另外兩間 5 星酒店 Kudadoo 及 Hurawalhi 有點相似，皆因係屬於同一個酒店集團 CCR，酒店設計師刻意以弧型設計酒店建築物，讓人望落去可以舒發壓力，而圓形亦象徵回歸原點，設計師希望到來渡假嘅客人於生活和身體上都可以重新啟動。
Welcome Back Offer【快閃優惠 至 21 Oct】
雖然酒店著重健康生活，但本身佢唔係一間以治療及休養為題嘅酒店，主要係介紹健康生活元素俾客人，希望讓客人初試一下健康生活，並非到來休閒養生，所以酒店餐廳亦有一些一般餐廳食物提供，客人唔需要擔心唔習慣食物嘅口味。
>> 去馬爾代夫，唔搵Travel Channel，你仲想搵邊個，即看超$特價！
Kagi 嘅酒店島上一共有 40 間水上屋，分別為 Ocean Pool Villa 及 Lagoon Pool Villa，另外仲有 10 間 Beach Pool Villa，全部設有私人泳池，面積約 1100 呎，室內面積唔算十分大，但浴室亦設有浴缸及開放式淋浴間，令人驚喜！
Ocean Pool Villa 面向印度洋，景觀開揚；而位於另一邊嘅 Lagoon Pool Villa 就面向瀉湖，亦望到主島及防波堤。
沙灘屋與水上屋設計相似，都係以淡色為主調嘅日本風格。房間內設備應有盡有，Ocean Pool Villa 嘅床頭可以直望海洋，喺私人露台曬太陽後直接跳落印度洋暢泳，休閒無比！
>> 去馬爾代夫一定要入TC 馬爾代夫搜出靚價專業網站，否則是你的損失喔！快來看看吧！
Kagi 嘅主餐廳 NOO FARU 於早晚供應自助餐，晚餐自助餐亦每晚有唔同主題，而午餐就供應 A-la-carte，食物選擇亦算多。
主餐廳旁邊有個 pool bar UFAA，當主餐廳關門 pool bar 就會提供服務，確保 24 小時也可以供應食物予客人。
主餐廳上面就有一間 piano bar NONNA，係一間設有 open kitchen 嘅意大利餐廳，客人可以喺度品嚐美食及酒窖嘅美酒，氣氛一流！
其餘仲有兩間餐廳 KE-UN，供應各國菜如泰式、日式及秘魯菜。
而另一間就係位於 Spa Corner 入面嘅健康餐廳。呢間餐廳只供應午餐，食物與其他餐廳不同，佢哋提供嘅係一啲 health-conscious 嘅有機食物和果汁，質素十分高，非常適合注重健康飲食嘅客人👍但餐廳位置只能容納 14 人，所以想試下呢間餐廳記得一定要預訂啊！
>> 想在馬爾代夫酒店婚禮？冇問題！立即登入揀心水Resort!
如果想更加寫意，可以直接請酒店安排 in-villa dining，二人舒舒服服享受私人時間。
總括來說，Kagi 嘅餐飲質素都唔錯，選擇頗多，以一個小型渡假島嚟講，擁有4間餐廳已經唔錯。
Kagi 嘅賣點之一就係 Baani Spa，入面有 4 間水上 spa room 及一間餐廳，我哋當然把握機會一試 spa treatment。一踏入 Spa Corner，就聞到好特別嘅香氣，整個treatment 有好多儀式，務求令客人嘅身體能釋放壓力、找回平衡和重拾活力。Baani Spa 入面亦有蒸氣房、健身室、美髮及美容服務，女士嚟到一定十分滿足！
酒店另一個賣點，就係為客人提供唔同嘅治療法，去幫助佢哋舒緩身體嘅狀況。專業健康從業員會為客人把脈，再配合中醫、不丹、亞郁式等療法去幫助客人，例如以不同國家嘅香料（如斯里蘭卡、印度、蘇丹或者馬爾代夫）及不同經緯度嘅藥材製成香料草本包俾客人治療，甚至配好草本包讓客人拎返屋企用👍
>> 去馬爾代夫不想花冤枉錢？又想先睹為快？一定要看看峰旅Blog
Kagi 嘅設施都可以步行到達，非常方便！
島上嘅健身室屬於中型，器材充足，仲特設一個提供健康食物及新鮮果汁嘅健康飲食角，喜歡健身嘅朋友一定唔會失望。
而喜歡海洋生物嘅朋友，Kagi 呢度亦唔會令你失望，因為酒店嘅珊瑚礁保養得好好，好容易就可以一睹海龜、魔鬼魚及鯊魚 BB 嘅蹤影，同佢哋一齊暢泳再唔係夢想。
酒店崇尚寧靜休閒，所以冇提供摩打推動嘅活水上活動，但仍不乏非摩打推動水上活動。
酒店服務亦非常周到，特設 hospitality lounge 讓有需要等待接駁交通離開酒店島嘅客人使用，等佢哋就算 check out 咗房間都有地方休息，保證客人在酒店島上直到離開都得到款待👍
Kagi Maldives 島上少量嘅燈光令人感覺非常柔和，讓人可以放鬆休息，享受假期，晚上觀看銀河，感受香港難得一見嘅大自然美好！希望靜靜與最愛過一個馬爾代夫假期，Kagi Maldives 會好適合你！
>> 立刻看看 Kagi Maldives Spa Island 優惠
>> 想找優惠？想升級Maldives Resort，獲更多Benefit? 即時登入！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記