追求自然、注重環保、支持可持續發展嘅朋友，相信你旅遊時都好希望入住一間以相同理念營運嘅渡假酒店，今次介紹嘅 Amilla Maldives 將會為你嘅馬爾代夫之旅錦上添花！
位於聯合國世界生物保護圈內之 Amilla Maldives 佔有 23.5 公頃土地，設有 67 間超過2000 呎嘅 villa 及 residence，係一間 Small Luxury Hotels of the World 成員之一。
小島上 70% 之土地未被開發，保留著小島原始面貌。
Amilla 與當地社區致力保護和推動生物多樣性，透過有機農莊和珊瑚保育等設施，盡力保護生物保護圈內之動植物。除此之外，Amilla 內嘅設計及好多設施都係環繞著保護環境和可持續發展呢兩個概念作出發點，所有裝潢及傢俬、甚至設施好似牙刷和水杯都係木造，食用水就由海水化淡而來。
渡假村內共種植咗 2500 顆椰子樹，椰子亦用作提煉椰子油、椰奶和製成潤膚露。自家有機農場將農場出產直接供應到餐廳，客人食到嘅雞蛋都係自家出品，保證食物新鮮。Amilla 支持環保並非只係口號，而係身體力行推行保護環境。
今次我哋入住嘅係 Amilla 入門級嘅 Reef Water Villa 及 Lagoon Pool Villa，兩種 villa嘅面積都係 2200 呎，可以入住兩位大人及兩位小朋友或最多三位大人。
Villa 係一間白色小屋配上藍色元素，外觀有些少地中海風情，不過其實係馬爾代夫風格。Villa 內部以 open-concept 全開放式設計，冇乜特別間隔，感覺就好似同印度洋合一，自由自在。
雖然 Amilla 已經有十年歷史，但 villa 嘅裝修絕對唔殘舊，無論保養定顏色配搭都好有現代新鮮感，而且房間嘅燈光恰到好處，落地玻璃採光度足夠，晚上嘅黃燈亦令人感覺好 warm。房間內亦設有 usb 叉電插頭，音響設備亦都好先進，客廳內共裝咗五個環迴立體聲喇叭，無論睇電影或聽音樂都令人好享受。整間 villa 予人舒適、精神、乾淨俐落之感。
去馬爾代夫，唔搵Travel Channel，你仲想搵邊個，即看超$特價！
去馬爾代夫不想花冤枉錢？又想先睹為快？一定要看看峰旅Blog
寬敞嘅露台係睇星星嘅最佳地點，淺色木地板就算經過太陽曝曬都唔會辣腳，白色底泳池反射天空蔚藍色，海天一色，無可挑剔！
如果你喜歡浮潛睇魚，就可以選擇 Reef Water Villa，從露台一跳入海就係珊瑚礁。
除咗以上兩個 villa 選擇，另一個選擇就係 Sunset Water Villa。Sunset Water Villa 顧名思義就係可以睇日落嘅房間，佢嘅格局同 Reef Villa 完全唔同，特設水上網床供住客觀賞日落，其他設備就無太大分別，一樣予人舒適、精神、乾淨俐落之感。
Amilla 奉行健康主意，7 間餐廳所供應嘅食物都係富有營養、美味和健康。
以 all-meal plan 入住，可以在酒店內不同餐廳用膳，支持健康主義嘅朋友可以試試Wellness Your Way(WYW) 嘅餐飲，包括 raw food、keto、low carb、gluten free dairy-free 食物，全部都無額外收費，酒店網站亦搵到 WYW 嘅 menu，可以預先睇定有冇啱食嘅，十分體貼客人需要 。
（渡假村亦有其他 meal plan 選擇）
主餐廳 Fresh 供應自助餐和單點美食，食物份量大而且賣相同味道都好好。如果客人希望食某些特定食物，都可以要求廚師準備。
Chill’d Café 位於沙灘旁，供應令人垂涎欲滴嘅漢堡、沙律、三文治等輕食，呢度嘅新鮮吞拿魚令人一試難忘，當然鮮榨果汁及健康奶昔，仲有全日免費供應嘅自家製雪糕和雪葩，員工好歡迎客人嚟消閒。
意大利餐廳 Barolo 氣氛悠閒，客人可一邊享用酒店自家農產品、新鮮意大利麵和烤肉，一邊欣賞 live show 自彈自唱音樂和雜技表演，熱鬧得嚟又唔覺嘈吵，推介！
位於 arrival jetty 樓上嘅 Sunset Bar 高人一等，可高角度觀賞宏觀印度洋海景，景觀超美！Bartender 好用心為客人炮製專屬飲品，waiter 亦都好體貼，記得客人之前點過嘅飲品，會主動問返客人想唔想飲返。Sunset Bar 係一個欣賞黃昏美景、享受休閒嘅好地方。
Feeling Koi 供應日式美食，新鮮壽司魚生，係渡假村內 fine dining 嘅水上餐廳。
去馬爾代夫，唔搵Travel Channel，你仲想搵邊個，即看超$特價！
East 係炮製南印度美食嘅專家，以各式各樣香料、新鮮蔬菜和鮮美多汁肉類吸引客人味蕾。
渡假村內亦有一個酒窖，藏著世界各地嘅新舊佳釀，喜歡品酒嘅朋友，一於預約時間入內慢慢享受，揀一支美酒帶回家。
Amilla 面積大，玩樂設施多不勝數，簡單向大家介紹一下。
各式水上活動：飛摩打推動及摩打推動水上活動、浮潛、潛水（位於世界聞名之Hanifaru Bay）、坐遊艇出海、日落海豚巡航、坐半潛水艇….
陸上活動：沙灘私人影院、kids club、探索小島叢林、足球（每日 4pm 更有供小朋友參加嘅足球活動）、網球、到 Art Studio 寫生，仲有馬爾代夫渡假酒店少有嘅glamping。
渡假村於一個特別隱蔽嘅地方搭建空調 bubble tent，附上私人廚師及香檳等，讓客人感受一下高私隱度嘅沙灘 glamping。購買咗 spa package 嘅朋友，glamping 仲係免費添！
Amilla 嘅 Javvu Spa 被評為亞洲 10 大 spa 之一，以中西合璧療法及島上自家草藥製嘅精油為客人做 facial 及 massage，高級別緻，與別不同。
蜜月夫婦追求寧靜假期，Amilla 私隱度高，就算入住率七成滿，但都唔會感覺人山人海，依然可以自由自在渡假，唔怕會被其他住客打擾，非常適合蜜月夫婦。
Amilla 亦都好適合親子遊，好多設施都係親子友好，例如有提供小童單車，被選為2023 Top 10 Maldives Family Resorts。
想與最愛過一個融入大自然、保護環境嘅馬爾代夫假期，Amilla 就係天堂！
不妨與我們「Travel Advisor」 聯絡，了解更多吧！
不妨與我們「Travel Advisor」 聯絡，了解更多吧！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記