馬爾大夫今次聯同兩位同事，嚟到馬爾代夫最北嘅 Haa Alifu 環礁，探索一下附近冇咩渡假酒店嘅 5 星級 JA Manafaru 私人小島，過一個寧靜熱帶假期。
JA Manafaru 接近印度軍事基地，雖然距離馬累比較遠，但其實只需要坐 45 分鐘內陸機 +15 分鐘快艇就可以到達。唔好以為轉嚟轉去好辛苦，渡假村特別安排咗私人飛機一樣嘅內陸機俾客人，機上只有 14 個座位，機艙左右兩邊都只有一個座位，寬敞又有冷氣，而且仲有小食飛機餐供應（蘋果 + Kitkat 朱古力+水），整程機都非常舒適👍🏼
旅遊就係要體驗唔同新事物，所以我十分建議大家一定要坐內陸機啊！不過如果唔想轉嚟轉去，你都可以選擇坐 70 分鐘水上飛機直達酒店島，我哋今次去程就坐內陸機，回程就坐水上飛機，可以有唔同嘅體驗。
JA Manafaru 私人小島位置比較偏，附近唔多渡假酒店，但其實都有好處，環境非常天然，海洋生態亦保持得好好，出海玩更唔怕撞到其他酒店客人，私隱度比較高。
想找更低優惠？想升級房間，獲更多Benefit? 即時登入！
渡假村安排嘅內陸機時間啱啱好，通常可以讓客人到達酒店後就食lunch。不過用午餐之前，我哋先直接到房間辦理 check in 手續，唔需要於 reception 等，可以有多啲時間享受房間。
每個房間都有管家負責管理，會直接將客人加入 WhatsApp 群組，客人有任何需要都可以隨時以 WhatsApp 或直線電話聯絡管家，好似我哋同事在入住期間身體不適，管家都立即安排醫生睇佢，有管家幫手真係安心好多。
不妨與我們「Travel Advisor」 聯絡，了解更多吧！
今次我哋入住 Water Villa with Infinity Pool，有分日出及日落景觀房間。
Water Villa 樓底高，採光度高，空間感足夠，休閒舒適。
Villa 佈局分明，入去就見到工作枱，左邊係睡眠區，睡眠區對出就係設落地玻璃及玻璃地板嘅小偏廳；右邊係浴室，對出就係露台，從浴室及偏廳都可以通往露台，四通八達。
浴室設有按摩浴缸，浴室冇冷氣出風位，有 outdoor shower 大自然感覺，但唔會好熱，因為房間嘅冷氣都可以吹到入去。
予人樸實無華感覺嘅露台係休息午睡好地方，私人泳池雖然比較細，但都有按摩功能，而且係 infinity pool，喺泳池入面享用 floating breakfast 或打卡都完全冇問題。
JA Manafaru 建於天然小島上，小島上嘅 A 級沙灘水清沙幼，無任何污染，雖然附近珊瑚礁一般般，但海洋生態保護得好好，在碼頭附近都有機會見到海豚、魔鬼魚同藍眼淚。
天然小島綠化當然好好，椰林樹影，好有熱帶雨林感覺。渡假村專誠為住客提供山地單車，讓客人可以安全地騎行穿梭小島，好有 feel 呢！
除咗踩 mountain bike，渡假村都有唔少活動，例如每星期有兩次「主題之夜」，會提供不同種類食物予客人品嚐；亦不時舉辦 cocktail party 及 management party，客人可與酒店管理層接觸，體驗多啲馬爾代夫傳統文化。
JA Manafaru 為馬爾代夫最首批嘅 Luxury Resort，所以渡假村都較有歷史。小島上設有其他酒店好少見嘅 Maldives History Museum 及 library，亦都推行唔少保育項目配合可持續發展，渡假村除咗自己種植蔬菜，其中一項較特別嘅就係電池回收。由於馬爾代夫並無安全棄置電池嘅設施，渡假村鼓勵客人帶一樽電池回國並安全棄置，希望可以減少電池對馬爾代夫自然環境嘅影響。
家庭都好適合渡假早上設有設備完善嘅 Coolzone Kids Club 及托兒服務，亦被有幼兒用品供帶同嬰幼兒來渡假嘅家庭。無論大人定小朋友，都可以參加尋寶遊戲，職員每日都會放 12 個樽於小島各處俾客人尋寶，不過我哋就尋唔到😅
JA Manafaru 一共有 6 間餐廳及酒吧，同其他馬爾代夫渡假酒店一樣，一般都有幾種食宿選擇。
我哋就建議客人購買 Dine Around All Inclusive plan (DAII) 入住，客人可以盡情享用美食，除咗包括自助早餐、三道菜午餐及三道菜晚餐外，亦包括下午茶、40 種酒類選擇、每日補給嘅 in-villa personal bar 等額外優惠。另外，客人亦可將一餐飯分開來食，例如可以先食 starter，再去浮潛，返來先再繼續食主菜，非常彈性。
Kakuni 供應自助及 a-la-carte 早餐，自助早餐選擇足夠，有中式、西式及印度等食物選擇，而且早餐更有香檳提供，可謂非常驚喜。
其他餐廳供應嘅食物雖然唔係好大驚喜，但質素都唔錯，餐廳服務員亦非常友善好客，會同客人傾計了解佢哋需要，亦會按照客人要求提供食物選擇，就算餐牌上冇列出嘅食物，佢哋都會盡量做以滿足客人要求，令人滿意。管理層同我哋講，2023 年底會推出 vegan menu，會將現有餐牌上嘅食物以素食製作推出，讓來渡假嘅素食者都可以享用美食。如此貼心服務，難怪渡假村獲得 Travel Trade Maldives Best Culinary Resort 2023 獎項。
如果你喜歡杯中物，來到 JA Manafaru 必定要到訪位於水底 2.5 米嘅水底酒窖Subterranean Wine Cellar。
酒窖十足一個地下古堡，氛圍特別，內有 3000 瓶珍藏，最貴嘅佳釀價值 15000 美元。酒窖供應香檳早餐、休閒午餐及七道菜晚餐，每星期有兩天亦可以接受客人預訂享用四道菜嘅 private dining，每人收費只係 US110蚊（包場每人 US550 蚊），如果來蜜月遊，以呢個價錢可以於馬爾代夫擁有歐洲餐飲體驗，絕對難得，值得一試~
去馬爾代夫，唔搵Travel Channel，你仲想搵邊個，即看超$特價！
整體來說，JA Manafaru 係一間性價比唔錯及服務真誠嘅舒適渡假酒店，無論餐廳職員抑或其他酒店職員亦都好熱情為客人服務，例如每晚駐場於不同餐廳嘅 live band 見到我哋係來自香港，亦專誠唱咗一首國語歌歡迎我哋🤗我哋同事對涼鞋爛咗，酒店職員亦即刻拎隻拖鞋俾佢換，再幫佢拎隻涼鞋去整，睇得到職員確實真誠對待客人👍🏼
JA Manafaru 除咗獲得 Travel Trade Maldives Best Culinary Resort 2023 外，亦取得Top 12 Condé Nast All-Inclusive Resorts in Maldives 及 Tripadvisor Travellers Choice 2023，係不少旅客去馬爾代夫嘅渡假選擇。
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記