馬爾代夫不乏 Ultra Luxury 酒店，無論住、食、玩都係頂級，但消費就未必係每個人嘅預算之內。今次介紹嘅五星級渡假村 InterContinental® Maldives 並非 ultra luxury 酒店，但服務及質素可算超晒班，雖然未及超奢華渡假村之級數，但性價比極高，非常值得推介！
InterContinental® Maldives Maamunagau Resort 位於聯合國教科文生物圈保護區，所在水域乃魔鬼魚之棲息地。
我哋到達馬累機場後，坐上尊貴嘅 Benz Van 到水上飛機 lounge，整個過程都好流暢舒適。35 分鐘水上飛機程好快過，飛機降落在浮台上，再轉 3 分鐘快艇就上到酒店島，方便快捷~
酒店員工服務體貼，我哋 check in 都唔需要喺 lobby 等，管家直接帶咗我哋入villa同我哋做 check in 手續。管家之後將我哋加咗入一個 whatsapp 群組，在入住期間有任何需要，只需要透過 whatsapp 通知佢哋，顧客服務部/管家就會好快幫到手。經過幾日親身體驗服務，我哋發現酒店服務真係非常有效率，每次 whatsapp 溝通三分鐘內就回覆，有禮嘅顧客服務部加上管家之貼身照顧，令我哋好放心，大讚！
立刻看看 Maldives 洲際 InterContinental® 優惠
今次等我哋先介紹適合蜜月夫婦嘅 Overwater Pool Villa。初時睇相，知道房間只有 1000 呎多少少，擔心 Villa 實在太細，但去到參觀就發現完全冇呢個感覺，相信係因為設計師利用巧妙嘅設計技巧，將主人房及浴室打通，橙黃色嘅暖和燈光，配合埋天然建材及當地裝飾品，將整間 villa 營造成一個好舒服嘅窩居。
去馬爾代夫，唔搵Travel Channel，你仲想搵邊個，即WhatsApp我地啦！
設計師利用百葉窗將新鮮空氣、陽光及無敵海景拉入 villa 內，只要客人打開百葉窗，就可以同大自然混為一體，完全突出到低調奢華嘅渡假氣氛！
Villa 之露台以弧形設計，向海伸展，景觀更開揚。喜歡浮潛嘅朋友，一定非常滿意呢間 villa，因為從 Villa 下海就已經可以見到好多魚，護士鯊、斧頭鯊、魔鬼魚、珊瑚魚 … 應有盡有，我哋只係於 villa 內都聽到啲魚追逐嘅聲音，真係好似一間水族館一樣！
如果帶住小朋友想住寬闊些小，可以選擇 Two-bedroom Overwater Residence。呢間 residence 一樣位於海上，房間嘅設計與剛才介紹嘅 Overwater Pool Villa 大同小異，只係多咗個客廳、客廁及餐枱。
去馬爾代夫，唔搵Travel Channel，你仲想搵邊個 ?
渡假村除咗有 Overwater villa，亦都有其他房種可以選擇，例如位於環礁湖區人工島嘅 One-bedroom Lagoon Pool Villa。渡假村嘅環礁湖人工島四周環境天然優美，環礁湖引入出面流動嘅海水，所以湖內有魚出沒，湖水平靜得來亦好有生氣，可以喺度浮潛㗎！
One-bedroom Lagoon Pool Villa 一共有兩層，地下和一樓只相差七、八級樓梯，villa 內有一個鋪上沙底嘅後園，而 villa 嘅另一面就係向住種滿棕櫚樹嘅環礁湖區，更設有一個木造露台，充滿夏威夷亞熱帶感覺~
雖然於 lagoon villa 唔可以直接跳入海游水，但景觀十分開揚，泳池亦設有按摩功能，更特設戶外淋浴區。
想找更低優惠？想升級房間，獲更多Benefit? 即時登入！
而 2 樓就更加精彩，落地玻璃可以直接從高處俯瞰印度洋，浴缸貼近玻璃，客人可以一邊浸浴，一邊欣賞一望無際嘅銀海，金光燦爛美景一覽無遺，令人難忘！
呢間 villa 除咗擁有 overwater villa 嘅感覺，亦有 beach villa 嘅設備，仲可以望到大海及環礁湖，對入住嘅客人嚟講，一次過可以有多種體驗，實屬十分難得！
雖然 InterContinental® 唔係一間全包渡假酒店，但作為全球第一間及唯一嘅 Club InterContinental® resort，客人於入住期間都可以免費享用早餐、下午茶及全日小點。每日下午 3-5 點，位於環礁湖區嘅 The Retreat 會為客人供應精緻下午茶，愛侶可以一齊飲個靚靚下午茶，享受休閒時光~ 夜少少嘅時間 5-7 點，The Retreat 亦會供應餐前開胃酒，小朋友就算唔飲酒都會包非酒精飲品。
去馬爾代夫不想花冤枉錢？又想先睹為快？一定要看看峰旅Blog
而其他時間都唔洗怕餓，酒店泳池及沙灘都會無限量供應 refreshment。Club InterContinental® 嘅服務實在十分體貼客人，就算好大食嘅我哋個肚都無空虛過！The Retreat 氣氛好好，客人除咗可以喺 The Retreat 享用飲品小點，仲可以於 The Retreat 內嘅 infinity pool 游水到環礁湖嘅浮台，而晚上亦有現場 DJ 打碟，真係好 chill~
渡假村內一共有 6 間餐廳及酒吧，全部都好有特色，每間餐廳嘅食物同服務水準都超高，我哋夠膽講， InterContinental® 嘅食物可與 ultra luxury 酒店媲美！
每朝早上，到 Café Umi 享用各式各樣亞洲美食，即叫即煮嘅食物令人垂涎欲滴。我最難忘嘅就係鬆脆嘅熱辣辣牛角包，喺馬爾代夫咁潮濕嘅天氣，唔係好多酒店做得到㗎！
Café Umi 除咗供應午餐，晚上亦有供應鐵板燒，讓您可享用一個充滿樂趣嘅晚餐。
坐擁 360 度海景之主題餐廳 Lighthouse 供應時令美食及海鮮，Lighthouse 嘅大廚充滿熱情，加上高超之烹飪技巧，令食物嘅層次更上一層樓，讓客人享用到一頓既浪漫又美味嘅晚餐！
Fish Market 讓客人親自挑選馬爾代夫海上鮮，然後於水上餐廳享用日落晚餐。
位於主泳池旁邊嘅 The Collective 可以望到沙灘同大海，裏面嘅 “The Deli” 為客人供應新鮮果汁、酥點和墨西哥捲，”Pizzeria” 就供應炭火 pizza，仲有 “Gelato Bar”。
加上 Sunset Bar 及 Pool Bar，InterContinental® 保證能開啟客人舌尖美食之旅！
InterContinental® 內嘅玩樂設施與其他服務一樣令人超出期望！
最近被選為“Luxury Island Resort Spa”之 AVI Spa 服務卓越，6 間水上水療房環境融入大自然，讓客人做療程期間可完全放鬆身心。
兒童天堂 Planet Trekkers 為 4-12 歲小客人特設一系列探險活動，室內和戶外活動空間都充滿活力，特大花園和攀登架已經夠吸引，而噴水裝置亦好比水上樂園，無論細路定大人都玩到唔想走啊！
酒店位於嘅 Maamunagau 島擁有一個大環礁湖，附近有幾個浮潛點，珊瑚礁豐富就一定，而 housereef 亦係魔鬼魚之棲息地。除咗浮潛，酒店亦為客人免費提供所有非機動性水上活動，仲有其他自費活動如 dolphin cruise 和 yacht cruise。
InterContinental® Maldives Maamunagau Resort 實在係集團嘅代表作，無論環境、設施、餐飲及服務都比同級數酒店優勝，我哋住咗幾日嘅結論都係有讚無彈，而且性價比高，用差唔多嘅價錢享受到五星級數服務，除咗 InterContinental®，都唔容易搵到第二間酒店可以做得到。
被選為 “Maldives Top Hotels & Spas Resorts 2022 ” 及 “ Best Hotel for a Wedding Abroad ” 之 InterContinental® Maldives 服務熱情細心，實為蜜月及家庭遊最佳之選！
———————————————————————————————————–
想知更多馬爾代夫酒店資訊 / 優惠，記得緊貼我們社交平台 ：
>> 免費下載 ebook電子書
>> 訂閱 YouTube頻道
>> Follow us @ : Facebook專頁 / Instagram專頁
>> 瀏覽 峰旅BLOG遊記